| e-texts navigator |
| Wylie |
278b1 འདས་ངོ་བོ་ཉིད་དག་པས་འདི་སྐད་དུ།། ཐམས་ཅད་ཡུལ་ལ་འཇུག་པ་ཡི།། ཐོགས་མེད་མ་ཆགས་དེ་བཞིན་བློས།། ཇི་སྙེད་ཇི་བཞིན་ཉིད་དུ་བསྒྱུར།། ཟད་མེད་གཏེར་ལྡན་རིན་ཆེན་འབྱུང་།། ཞེས་གསུངས་སོ།།
278b2 ཡང་བཅོམ་ལྡན་འདས་མེ་ཏོག་དབང་པོ་དབྱངས་ངོ་བོ་ཉིད་དག་པས་འདི་སྐད་དུ། ཇི་བཞིན་ཉིད་ལ་བཞུགས་པས་ན།། འདི་ཞེས་ཚིག་ཏུ་མ་གསུངས་ཀྱང་། ཁྱབ་པས་གཅིག་པའི་བྱིན་བརླབས་ཀྱིས།། ཇི་ལྟར་འདོད
278b3 པ་སོ་སོ་མཇལ།། ཞེས་གསུངས་སོ།། ཡང་བཅོམ་ལྡན་འདས་གྲགས་པའི་དཔལ་ངོ་བོ་ཉིད་དག་པས་འདི་སྐད་དུ།། སངས་རྒྱས་སེམས་ཅན་ལ་སོགས་པ།། ཐམས་ཅད་མ་ལུས་ལུས་པ་མེད།། རང་རིག་མ་རིག་རྟོག
278b4 པ་ཉིད།། ཀུན་ཀྱང་རང་བྱུང་ཡེ་ཤེས་ཉིད།། ཅེས་གསུངས་སོ།། ཡང་བཅོམ་ལྡན་འདས་སྤྲུལ་པའི་རྒྱལ་པོ་ངོ་བོ་ཉིད་དག་པས་འདི་སྐད་དུ།། ཡི་གེ་ཕྱག་རྒྱ་ཡེ་ཤེས་ཀྱང་།། ཚིག་ལས་འབྱུང་བའི་གཞི་ཡིན་ཏེ།། དེ་ཉིད
278b5 དག་པས་ཐམས་ཅད་དག། གསུང་ལ་གསུང་ཉིད་མི་གནས་པའོ།། ཞེས་གསུངས་སོ།། ཡང་བཅོམ་ལྡན་འདས་སྒྲ་དབྱངས་མི་ཟད་པ་ཉིད་དག་པས་འདི་སྐད་དུ།། དེ་བཞིན་ཉིད་ཀྱང་རང་བཞིན་དུ།། ལྔ་ཕུང་ཉོན
278b6 མོངས་རྣམ་པར་དག། རྣམ་རྟོག་རྡུལ་བྲལ་སྐྱེ་འགག་མེད།། ཐམས་ཅད་ངོ་བོ་ཉིད་དུ་བཅོམ།། ཞེས་གསུངས་སོ།། ཡང་བཅོམ་ལྡན་འདས་སྨན་གྱི་རྒྱལ་པོ་ངོ་བོ་ཉིད་དག་པས་འདི་སྐད་དུ།། དཔག་མེད་འཇིག
iiif viewer powered by OpenSeadragon
