| e-texts navigator |
| Wylie |
278a1 ཐོབ་པ་ཡིན།། ཞེས་གསུངས་སོ།། ཡང་བཅོམ་ལྡན་འདས་འོད་ཟེར་དཔལ་ངོ་བོ་ཉིད་དག་པས་འདི་སྐད་དུ།། སངས་རྒྱས་རྣམས་ཀྱི་དགོངས་པ་འདི།། ཤེས་ནས་དེ་ལ་གང་གནས་པ།། རང་རིག་ཉིད
278a2 ལ་དབང་ཐོབ་པའི།། དེ་བཞིན་རིག་པ་འཛིན་པ་ཉིད།། ཅེས་གསུངས་སོ།། ཡང་བཅོམ་ལྡན་འདས་དཀའ་ཐུབ་རྒྱལ་པོའི་ངོ་བོ་ཉིད་དག་པས་འདི་སྐད་དུ། དེ་ཉིད་ཇི་བཞིན་མངོན་གྱུར་ན།། མེད་ལ་མི་ཟད་འབྱུང་བ
278a3 ཡི།། ཆེ་བའི་ཡོན་ཏན་རྒྱུན་མི་འཆད།། ཅིར་སྣང་ཀུན་འབྱུང་རིན་ཆེན་གཏེར།། ཞེས་གསུངས་སོ།། ཡང་བཅོམ་ལྡན་འདས་གཙུག་ཏོར་སྙིང་པོ་ངོ་བོ་ཉིད་དག་པས་འདི་སྐད་དུ།། ཇི་བཞིན་མ་བཅོས་དེ་ཉིད་ལ།། དེ
278a4 བཞིན་པ་ཡི་བློ་གནས་པ།། དེ་བཞིན་དེ་ཉིད་མ་ཡིན་པའི།། སྒྲུབ་དང་བསྒྲུབ་པ་ག་ལ་ཡོད།། ཅེས་གསུངས་སོ།། ཡང་བཅོམ་ལྡན་འདས་ངེས་པར་གཤེགས་པའི་ངོ་བོ་ཉིད་དག་པས་འདི་སྐད་དུ།། མཁའ་ལ་གློ་བུར
278a5 སྤྲིན་འཐིབས་ལྟར།། དེ་བཞིན་གློ་བུར་རྟོག་པས་བསྒྲིབས།། མཁའ་དག་ནང་དུ་སྤྲིན་སངས་ལྟར།། རྣམ་རྟོག་སངས་པས་ངང་གིས་སངས།། ཞེས་གསུངས་སོ།། ཡང་བཅོམ་ལྡན་འདས་ངེས་པར་གསུངས་པའི་ངོ
278a6 ཉིད་དག་པས་འདི་སྐད་དུ། ཇི་སྙེད་དག་པའི་གསུང་བརྗོད་ཀྱང་།། རྡོ་རྗེ་གསུང་ལ་སྤྲོས་པ་མེད།། སྤྲོས་མེད་གསུང་ཉིད་ཀུན་གསལ་བྱ།། མ་གསུངས་པ་ཉིད་རྒྱ་ཆེར་བཤད།། ཅེས་གསུངས་སོ།། ཡང་བཅོམ་ལྡན
iiif viewer powered by OpenSeadragon
