| e-texts navigator |
| Wylie |
277a1 འོད་ཟེར་ངོ་བོ་ཉིད་དག་པས་འདི་སྐད་དུ།། དཔག་ཏུ་མེད་པའི་རྒྱལ་བ་རྣམས།། ཇི་བཞིན་དེ་བཞིན་ཉིད་ལ་བཞུགས།། དེ་བཞིན་ཉིད་དང་ཐམས་ཅད་ཀྱང་།། གཉིས་མེད་དེ་བཞིན་དེ་ཉིད་དོ།། ཞེས
277a2 གསུངས་སོ།། ཡང་བཅོམ་ལྡན་འདས་འོད་ཀྱི་དཔལ་ངོ་བོ་ཉིད་དག་པས་འདི་སྐད་དུ། འཁོར་བ་དང་ནི་མྱ་ངན་འདས།། སོ་སོར་སྣང་བ་མ་ཡིན་ཏེ།། ཇི་བཞིན་དེ་བཞིན་ཉིད་དེས་ན།། དེ་ལ་འཁོར་བའི་རང་བཞིན
277a3 མེད།། ཅེས་གསུངས་སོ།། ཡང་བཅོམ་ལྡན་འདས་ཞི་བའོ་དབང་པོ་ངོ་བོ་ཉིད་དག་པས་འདི་བཞིན་དུ།། དེ་བཞིན་ཉིད་ཀྱི་དེ་ཉིད་ནི།། དཔག་ཅིང་གཞལ་བར་མཐའ་ཡས་པས།། དཔག་མེད་རྒྱལ་པོའི་ཕོ་བྲང་ཡིན།།
277a4 དེ་ནས་ཀུན་བཀོད་དེར་གཅིག་ནས།། ཞེས་གསུངས་སོ།། ཡང་བཅོམ་ལྡན་འདས་སྤྲིན་གྱི་དཔལ་ངོ་བོ་ཉིད་དག་པས་འདི་སྐད་དུ། ཐམས་ཅད་འབྱུང་བའི་ཆོ་འཕྲུལ་ཡང་།། ཅིར་ཡང་འགྱུར་བའི་ཡེ་ཤེས་ཏེ།། གདོས
277a5 པར་གྱུར་པའི་ཆོས་མེད་པས།། ཇི་ལྟར་དམིགས་པ་བཞིན་དུ་འགྱུར།། ཞེས་གསུངས་སོ།། ཡང་བཅོམ་ལྡན་འདས་ཡིད་འོང་དབྱངས་ངོ་བོ་ཉིད་དག་པས་འདི་སྐད་དུ།། འཇིག་རྟེན་འཁོར་བའི་ཁ་བརྒྱུད་པས།། མ
277a6 རིག་ངོ་བོ་དེ་བཞིན་པ།། གཞི་རྩ་མེད་པའི་སྐད་ཅིག་མ།། དེ་ཉིད་རིག་ན་བདེ་ཆེན་གནས།། ཞེས་གསུངས་སོ།། ཡང་བཅོམ་ལྡན་འདས་མེ་ལོང་འོད་སྣང་ངོ་བོ་ཉིད་དག་པས་འདི་སྐད་དུ།། ཉོན་མོངས་ཡེ་ཤེས་ལྔར
iiif viewer powered by OpenSeadragon
