| e-texts navigator |
| Wylie |
275b1 གསུངས་སོ།། ཀྱེ་གྲོགས་པོ་དག་འདི་ལྟ་སྟེ།། ཞེ་སྡང་ངོ་བོ་ཐ་དད་པ།། བྱང་ཆུབ་སེམས་སུ་མཉམ་པས་ན།། དེ་བཞིན་ཉིད་ལས་གཞན་པ་ཡིན།། མ་སྤངས་མ་དག་རྡོ་རྗེ་དམ།། བཅོམ་ལྡན་འདས་རྡོ་རྗེ་སེམས
275b2 དཔའ་ངོ་བོ་ཉིད་དག་པས་དེ་སྐད་ཅེས་གསུངས་སོ།། གྲོགས་པོ་དག་འདི་ལྟ་སྟེ། འདོད་དང་ཆགས་པའི་ཡུལ་ཉིད་ནི།། རང་བཞིན་གང་ཡིན་དེ་བཞིན་ཉིད།། ལོངས་སྤྱོད་མྱོང་ཚོར་རྣམ་པར་དག། སྤྱོད་ལམ་མ་ཆགས
275b3 རྡོ་རྗེ་དམ།། བཅོམ་ལྡན་འདས་འོད་མཐའ་ཡས་ངོ་བོ་ཉིད་དག་པས་དེ་སྐད་ཅེས་གསུངས་སོ།། ཡང་འདི་ལྟ་སྟེ། ཐམས་ཅད་དེ་བཞིན་དེར་མཚུངས་པས། ཁྱད་པར་བྱེ་བྲག་དབྱེར་མེད་པའི།། རྡོ་རྗེ་ནམ་མཁའ་འོད
275b4 གསལ་བས།། རྨོངས་པའི་མུན་ནག་རྣམ་དག་གསལ། བཅོམ་ལྡན་འདས་སྣང་མཛད་ངོ་བོ་ཉིད་དག་པས་འདི་སྐད་ཅེས་གསུངས་སོ།། ཡང་འདི་ལྟ་སྟེ། རྣམ་དག་ཐུག་མཐའ་མུ་མེད་པས།། ཡངས་དོག་ཚིག་གི་མཐའ
275b5 དང་བྲལ།། ཀུན་བཟང་ཡངས་པའི་ལམ་དུ་གཅིག། བདེ་ཆེན་ཀློང་ཡང་རྡོ་རྗེ་དམ།། བཅོམ་ལྡན་འདས་ཐམས་ཅད་གྲུབ་པས་དེ་སྐད་ཅེས་གསུངས་སོ།། ཡང་འདི་ལྟ་སྟེ། དེ་བཞིན་ཉིད་ལས་མེད་པས་ན།། ཡིན་དང་མ
275b6 ཡིན་གཉིས་ལས་འདས།། བདག་མེད་རྡོ་རྗེ་དེ་བཞིན་ཉིད།། ང་མེད་མི་འགྱུར་རྡོ་རྗེ་དམ།། བཅོམ་ལྡན་འདས་ཡོན་ཏན་ཀུན་གྱི་འབྱུང་གནས་ངོ་བོ་ཉིད་དག་པས་དེ་སྐད་ཅེས་གསུངས་སོ།། གྲོགས་པོ་དག་གཞན
iiif viewer powered by OpenSeadragon
