| e-texts navigator |
| Wylie |
274b1 བསྐུར་བས་སྨན་སྣང་གསེར་འགྱུར་ལྟར།། རྣལ་འབྱོར་ཆེན་པོ་དོན་འགྲུབ་པ།། དེ་ཉིད་བློ་གྲོས་ཐབས་དག་དང་།། གང་དང་མི་ལྡན་པ་དག་གིས།། དཀའ་བ་སྤྱད་ཀྱང་འགྲུབ་མིན་ཏེ།། སེམས་ཀྱི་གསང་འདི་སུས
274b2 མཐོང་བ།། བློ་གྲོས་ཐབས་དང་ལྡན་པ་སྟེ།། འདོད་པའི་དོན་མཆོག་གང་ཡིན་པ།། དེ་དག་ཚེགས་མེད་གྱིན་དས་འགྲུབ།། དོན་རྣམས་གྲུབ་པར་གང་བྱེད་པ།། བློ་གྲོས་ཐབས་ཀྱིས་གྲུབ་པའི་ཕྱིར།། དོན་རྣམས
274b3 འགྲུབ་པར་འགྱུར་བ་ཡི།། བསླབ་པ་འདི་དག་རབ་ཏུ་གཅེས།། གྲོགས་པོ་དག་དེ་དག་ནི་ཚེགས་ཆུང་ལ་དོན་ཆེ་བ་ཉིད་དུ་ཞེས་བྱའོ།། དེ་སྐད་ཅེས་སྨྲས་པས།། དམན་པ་རྣམས་བློ་དང་ལྡན་གྲོས་ཀྱིས་ཆོད་དེ་ཐབས
274b4 ཀྱིས་ཟིན་པར་གྱུར་ཏེ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་དོན་ངེས་པར་བསྒྲུབ་པ་ཞེས་བྱ་བའི་ལེའུ་སྟེ་བདུན་ཅུ་བཞི་པའོ།། །། དེ་ནས་ཡང་གསང་བ་པའི་བདག་པོ་དེས། ལང
274b5 ཀའི་བདག་པོ་ལ་སོགས་པ་དམན་པའི་ལུས་ཀྱིས་སེམས་དཔའ་རྣམས་ལ་ཤིན་ཏུ་རྔོམ་བརྗིད་ཚུལ་དུ་བོས་ཏེ་སྨྲས་པ། ཀྱེ་གྲོགས་པོ་དག་མདོ་གཅིག་ཏུ་བསྡུས་པ་ནི་གང་ཞེ་ན་འདི་ལྟ་སྟེ། འདི་སྐད་བདག་གིས་ཐོས་པ
274b6 དུས་གཅིག་ན། དེ་བཞིན་གཤེགས་པ་ཐམས་ཅད་ཀྱི་བཅོམ་ལྡན་དས་ངོ་བོ་ཉིད་དག་པར་དེ་བཞིན་གཤེགས་པ་ཐམས་ཅད་གྱུར་པར་འདུས་ནས། དེ་བཞིན་གཤེགས་པ་ཐམས་ཅད་ཀྱིས་དགོངས་པ་གཅིག་ཏུ་འདུས
iiif viewer powered by OpenSeadragon
