| e-texts navigator |
| Wylie |
274a1 དམ་པའི་བློ་གྲོས་ཐབས་ཡོད་ན།། འཁོར་བ་དམན་པའི་དངོས་པོ་ཡང་།། སྐྱེས་བུ་དམ་པར་གྲོལ་འགྱུར་ཏེ།། གྲོལ་བ་རང་འབྱུང་གཞན་ལས་མིན།། གྲོལ་དང་མ་གྲོལ་ལ་སོགས་པ།། གཉིས་སུ་རྟོག
274a2 པ་ཐམས་ཅད་མཐའ།། ཀུན་མཁྱེན་རྣམས་ནི་དབུས་ལའང་མིན།། དེ་ནི་གྲོལ་མེད་གྲོལ་བའོ།། འདི་ནི་གསང་བ་དམ་པ་སྟེ།། མ་རྟོགས་བློ་ཆུང་ཀུན་ལ་གསང་།། སྐྱོན་ཡོད་ཉེས་པ་མ་ཡིན་ཏེ།། བློ་ཆུང་རྣམས་ལ་ཕན
274a3 ཕྱིར་རོ།། དེ་ཕྱིར་བློ་གྲོས་ཐབས་ལྡན་ལ།། རྩོལ་སྒྲུབ་ཡོ་བྱད་གཙོར་མ་གསུངས།། གལ་ཏེ་བྱས་ནའང་འགག་པ་མེད།། མ་བྱས་ན་ཡང་དེ་ལྟར་ངེས།། དེ་ལྟར་བློ་གྲོས་ཐབས་ལྡན་ན།། མཚམས་མེད་ལྔ་ཡི་སེམས
274a4 ཅན་ཀུན།། བྱང་ཆུབ་སྙིང་པོ་མཚོན་གྱིས་བསད།། དཔག་མེད་དགེར་འགྱུར་མ་བསད་ན།། ཀུན་གྱིས་དོན་དུ་གཉེར་བ་ནི།། གང་གི་སེམས་ཀྱི་དབྱིངས་ཉིད་ཀྱི།། གང་གིས་བསྐལ་པ་དཔག་མེད་དུ།། སྲིད་གསུམ
274a5 དཀྲུགས་པས་དེ་རིག་མིན།། འདིར་ནི་བློ་གྲོས་ཐབས་ལྡན་པས།། བྱ་མེད་གྱིན་དར་རང་རིག་པས།། དོན་ཆེན་རྣལ་འབྱོར་ཉལ་མོ་བཙུན།། མ་བལ་ལྷུན་གྱིས་གྲུབ་པ་ཡིན།། ཇི་ལྟར་མུན་པ་དུག་དང་རྫས།། སྨན
274a6 སྣང་བསེར་དུ་གྱུར་པ་ན།། འགྱུར་རྩི་མན་ངག་མེད་པའི་མིས།། དཀའ་བའི་ལས་ཆེན་སྣ་ཚོགས་པ།། སྡུག་བསྔལ་སྤྱད་ཀྱང་མི་འགྲུབ་ཏེ།། སུ་ཞིག་མན་ངག་ལྡན་པའི་མིས།། ཚེགས་མེད་གྱིན་དའི་ཚུལ་གྱིས་ན།།
iiif viewer powered by OpenSeadragon
