| e-texts navigator |
| Wylie |
271b1 འབྱུང་ཆེན་བཞི་ཡི་སྒྲ་བསྒྲགས་པས།། ཐེག་ཆེན་གསང་སྔགས་རྒྱུན་མི་འཆད།། ཆོས་སོ་ཅོག་གི་རང་ཞིན་ནི།། དེ་བཞིན་ཉིད་ལས་མ་གཡོས་པས།། ཐམས་ཅད་བདུད་རྩིར་རྒྱུན་མི་འཆད།། འཁོར་བ་རྒྱ་མཚོ་ཡོ་བྱད
271b2 རྣམས།། མཆོད་པ་རྒྱ་མཚོའི་རང་བཞིན་ཏེ།། སྲིད་པ་རྒྱ་མཚོ་མཐའ་ཡས་ཀུན།། ཀུན་བཟང་མཆོད་སྤྲིན་རྒྱུན་མི་འཆད།། ཀུན་གྱི་དེ་བཞིན་ཉིད་དབྱིངས་ལས།། སེམས་ཅན་སངས་རྒྱས་སྙིང་པོར་ཤར།། འགྲོ་གང
271b3 བསམ་གྱིས་མི་ཁྱབ་པ།། རང་འབྱུང་སངས་རྒྱས་རྒྱུན་མི་འཆད།། དངོས་པོ་བརྟན་གཡོ་ལ་སོགས་པའི།། སྒྲ་སྐད་བསམ་གྱིས་མི་ཁྱབ་པའི།། ཀུན་ཀྱང་གསང་སྔགས་གསང་བའི་ཚིག། བཟླས་པ་རྒྱ་མཚོ་རྒྱུན་མི
271b4 འཆད།། དེ་དང་དེ་ཡི་དབྱིངས་ཉིད་ལ།། གང་དང་གང་གི་ཐབས་སྦྱོར་བ།། ཡེ་ནས་འདུ་འབྲལ་མེད་པས་ན།། སྦྱོར་བ་ཆེན་པོ་རྒྱུན་མི་འཆད།། སྲིད་གསུམ་བསྒྲལ་བའི་ཞིང་འདི་དག། སྟོང་པའི་མཚོན་ཆའི་རྒྱལ་པོ
271b5 ཡིས།། དངོས་པོ་མེད་པར་བསད་པས་ན།། ཡེ་སྒྲོལ་ཆེན་པོ་རྒྱུན་མི་འཆད།། སྣང་སྲིད་དག་པའི་གཞལ་ཡས་སུ།། ཀུན་གཞི་དཔལ་གྱི་མཎྜལ་ལ།། རྣམ་ཤེས་ཐིག་ཆེན་སྲད་བུ་བརྒྱད།། ཡེ་བཏབ་དཀྱིལ་འཁོར་རྒྱུན
271b6 མི་འཆད།། འདོད་ཁམས་རྨང་གི་རི་རབ་ལ།། གཟུགས་ཁམས་བང་རིམ་ཁྲི་འཕང་བརྟན།། གཟུགས་མེད་བུམ་རྟེན་བུམ་པར་བཅས།། གདུང་ཆེན་ཆོས་སྐུ་རྒྱུན་མི་འཆད།། ནམ་མཁའ་མེ་ཆུས་རླུང་རྣམས།། རྨང
iiif viewer powered by OpenSeadragon
