| e-texts navigator |
| Wylie |
270b1 སྟོང་གསུམ་ཡུངས་འབྲུར་འཇུག་ཚུལ་དང་།། གཞིག་དང་སྦར་བ་ལ་སོགས་ཏེ།། བསམ་བྱ་བསམ་གྱི་མི་ཁྱབ་པ།། གོམས་པས་ལས་སུ་རུང་བ་ཡི།། རྣལ་འབྱོར་རྩལ་ཆེན་སྦྱོང་བར་ཟད།། བཟླས་པ་མཐར་ཕྱིན་གྲུབ
270b2 པ་དང་།། བཅིང་བ་ཡོངས་སུ་རྫོགས་པ་དང་།། བསམ་པ་ལས་སུ་རུང་བ་དང་།། དོན་མཐོང་བ་དང་ཚིག་གྲུབ་པ།། བྱ་བ་ཡོངས་སུ་དག་པ་དག། དོན་གཅིག་ཡུལ་ལ་སོ་སོར་སྣང་།། དེས་ན་ཏིང་འཛིན་ཁྱད་པར་ཡང་།།
270b3 དེ་ཉིད་གཅིག་ལ་སྒོམ་མོད་ཀྱི།། རྣལ་འབྱོར་རྩལ་གྱི་ཁྱད་པར་ནི།། བསམ་པའི་ཡུལ་ནི་སྣ་ཚོགས་ཏེ།། དང་པོ་ས་ལ་གནས་པ་ཡི།། བཙལ་བ་ལས་ནི་རྣལ་འབྱོར་པ།། འདུན་པའི་སེམས་པའི་རྣལ་འབྱོར་ལ།།
270b4 སོགས་པའི་རྣལ་འབྱོར་རྣམ་དྲུག་པོ།། ཤེས་རབ་རྩལ་གྱི་འཕང་དམས་པས།། ཏིང་འཛིན་རྩལ་ཡང་ཆུང་བ་སྟེ།། དེ་ཉིད་མཐོང་བར་མི་འགྱུར་བས།། རང་གི་མོས་པ་གང་དམིགས་ན།། དེ་ཡི་ས་བོན་གང་ཡིན་པ། ཁ
270b5 དོག་དབྱིབས་ཀྱིས་ཕྱེ་ནས་ནི།། སྣ་ཡི་དབུགས་ལ་རྒྱུ་བྱས་ཏེ།། དེ་ཡི་ཡུལ་དུ་གྱུར་ཚད་དུ།། འོད་ཟེར་འབར་འཕྲོ་གསལ་བ་ལས།། འཕྲོ་འདུ་གནས་སུ་བསྐྱེད་པར་བྱ།། རང་གི་ཆག་ཚད་དང་སྦྱར་བའི།། སྐུ་ཡི་ཁྱོན
270b6 ཡང་དེ་ཙམ་མོ།། གཉིས་པའི་ས་ལ་གནས་པ་ཡི།། བཀའ་སྡོད་ལས་ཀྱི་རྣལ་འབྱོར་ལ།། སོགས་པའི་རྣལ་འབྱོར་རྣམ་བཞི་པོ།། ཏིང་འཛིན་རྩལ་གྱི་ཁྱད་པར་གྱིས།། ས་བོན་རང་བཞིན་ཡི་གེ་ལ།། འོད་ཟེར་འབར་བ
iiif viewer powered by OpenSeadragon
