| e-texts navigator |
| Wylie |
270a1 ཀྱང་།། ཁྱད་པར་རྩལ་གྱིས་སྟོན་པར་ནུས།། འདུལ་བའི་འགྲོ་བ་ཐམས་ཅད་ལ།། སོ་སོའི་སྐད་དུ་ཆོས་མཐུན་པར།། འདུལ་བའི་སྒོ་ནི་སྣ་ཚོགས་སུ།། གང་ལ་དེ་ལྟར་སྟོན་པར་ནུས།། རྣལ་འབྱོར་རྩལ
270a2 གྱི་ཁྱད་པར་གྱིས།། འཇིག་རྟེན་ཁམས་ཀུན་གཡོས་ནས་ཀྱང་།། ཐམས་ཅད་ངོ་མཚར་ཆེར་འགྱུར་ཏེ།། དགའ་མགུ་རངས་པའི་རོ་མྱོང་འགྱུར།། གཡེང་བའི་ཡི་གེ་ཕྲེང་བ་ལས།། རྫུ་འཕྲུལ་ཆོས་ཀྱི་སྒྲ་བསྒྲགས་པས།།
270a3 ཡིད་མཐོང་རྣམ་གྲངས་ཆོས་རྣམས་ཀུན།། སྔགས་སྣང་སྔགས་སུ་མ་གྱུར་མེད།། རྣལ་འབྱོར་ཆེ་ཅུང་རིམ་པ་དག། རྩལ་གྱི་ཁྱད་པར་དག་ལས་བྱུང་།། རིམ་གྱིས་འཇུག་དང་ཅིག་ཅར་བ།། དབུགས་ཀྱི་ཡུལ་དང་ཚོར
270a4 བ་དང་།། ཐོས་དང་མཐོང་བ་ལ་སོགས་ཏེ།། སེམས་ཀྱི་ཡུལ་དང་ནམ་མཁའི་དབྱིངས།། ཆོས་ཀྱི་དབྱིངས་ཀྱི་མཐའ་ཀླས་པར།། རང་བཞིན་ཡི་གེ་བསྒྱུར་ཡི་གེ། ཡན་ལག་ཡི་གེ་སོ་སོ་ཡི།། རྩ་བ་ལ་སོགས་གཞི
270a5 གཅིག་བཅས།། འཕྲོ་འདུའི་ཚད་དང་ཕྱག་རྒྱའི་ཁྱོན།། ཚོམ་བུའི་གྲངས་ཀྱང་དེ་བཞིན་ནོ།། འདི་ནི་དང་པོའི་འཇུག་རིམས་ཏེ།། མཐར་གྱིས་འདྲིས་ཤིང་གོམས་བྱེད་པའོ།། ཡི་གེ་ཡེ་ཤེས་ལས་བསྐྲུན་ཏེ།། དོན་བྱེད
270a6 པའང་ཕྱག་རྒྱར་འབྱུང་།། རྒྱ་མཚོ་གནོན་དང་ནམ་མཁའི་སྐས།། རླུང་འཆིང་བ་དང་རྒྱུན་བཟློག་པ།། སྲེག་པའི་བསྐལ་པ་གཞིལ་བ་དང་།། ཉི་ཟླ་ཞོན་ནས་འཇིག་རྟེན་འཕང་།། ས་ལ་འཛུལ་དང་རི་རབ་འདེགས།།
iiif viewer powered by OpenSeadragon
