| e-texts navigator |
| Wylie |
269b1 བར་འགྱུར།། མགོ་ལ་མེ་ཏོག་ཐོད་སྐྱེས་པའོ།། ཆོས་གང་དབང་སྒྱུར་སྔོན་བྱུང་བ།། གླེགས་བམ་རྙེད་དང་འདྲི་སྤྱོད་དང་།། གཞན་ལ་སྟོན་དང་གཏན་ལ་འབེབས།། མེ་ལོང་བུམ་གང་ལྟ་རྟོག་འཐུང་།། ནོར་བུ་ཐུ་དང
269b2 འཁོར་ལོ་བབ།། ཉི་ཟླ་ཟིན་དང་རི་རབ་སྐོར།། གང་ལ་སྒྲ་བརྒྱས་སྟོང་གསུམ་གང་།། དངོས་པོ་མཐའ་དག་ཡི་གེར་མཐོང་།། ཀླགས་པས་ངོ་མཚར་ཀུན་སྐྱེད་དང་། མཁའ་ལས་མེ་ཏོག་ཆར་འབབ་པའོ།། དམ་པ
269b3 མཐོང་བ་སྔོན་བྱུང་བ།། སྔོན་མ་མཐོང་བ་ཡུལ་མཐོང་དང་།། སྟོང་གསུམ་མཐོང་ཞིང་གླིང་རྣམས་བགྲོད།། རི་རབ་རྩེར་ཕྱིན་ཐམས་ཅད་མཐོང་།། ནམ་མཁའ་མཐའ་ཡས་མཐོང་བ་དང་།། རྒྱ་མཚོའི་གཏིང་དུ་ཕྱིན་པ
269b4 དང་། སྒྲོན་མེ་ཐོགས་དང་སྣང་སྲིད་དཔྱོད།། ཉི་མའི་སྙིང་པོ་ལྟ་བུའོ།། ལུང་ཆེན་ཐོབ་པ་སྔོན་བྱུང་བ།། རོལ་མོ་འབྲུག་སྒྲ་སེང་གེ་དང་།། ཆོས་ཀྱི་བགྲོ་བ་ཐོས་པ་དང་།། གཟུགས་བརྙན་ཞལ་འཛུམ་འོད་འབྱུང་དང་།།
269b5 དམ་པའི་གསུང་ཐོས་སྐུ་མི་མཐོང་།། ལྷ་མོ་གླུ་དབྱངས་སྒྲོགས་པ་དང་།། གཞལ་ཡས་དག་ལ་སྒྲ་འབྱུང་དང་།། གྲོགས་པོ་དམ་པ་ཞེས་འབྱུང་ཞིང་།། དེ་ཉིད་འགྲོ་བར་བྱེད་པའོ།། རིག་འཛིན་དམ་པའི་ལྟས་ཤར་ན།།
269b6 བྱིན་བརླབས་མཐུ་ཡི་ཆོ་འཕྲུལ་ཡང་།། ཉི་ཟླ་ཞོན་ནས་འགྲོ་བ་དང་།། རི་རབ་རྐེད་ནས་གསོར་བ་དང་།། འཇིག་རྟེན་རྒྱང་མར་འཕང་བ་དང་། སྲེག་པའི་བསྐལ་བ་བཞིལ་བ་ལ།། སོགས་པའི་ཆོ་འཕྲུལ་ཐམས་ཅད
iiif viewer powered by OpenSeadragon
