| e-texts navigator |
| Wylie |
268b1 སྐྱེས་དང་། རང་འབྱུང་རང་ཞི་ཅི་དགར་གཞག། མ་སྐྱེས་པས་ན་བཟློག་ཏུ་མེད།། དེ་ཡང་དེ་བཞིན་དེ་ཉིད་དོ།། འདས་དང་མ་འོངས་ད་ལྟར་གྱི།། ཉེས་དང་ལེགས་པ་གང་ལ་ཡང་།། དག་ལ་དང་འགྱོད་པའི་རྟོག་པ
268b2 མེད། རང་འབྱུང་རང་ཞི་དེ་ཉིད་དོ།། འདིར་ནི་དམ་པ་གང་ངེས་པ།། རྣལ་འབྱོར་མཚན་མའི་སྔ་ལྟས་ཡིན།། ཆུ་ཀླུང་མེ་གསེར་ག་ན་བར།། འདུ་འཕྲོ་འབྱུང་རྩི་ངེས་པ་བཞིན།། དམ་པར་ངེས་ན་དམ་པར་འབྱུང་།།
268b3 དམ་པར་མ་ངེས་ཐམས་ཅད་བདུད།། དམ་པར་ངས་ན་ཆུང་ངུ་ཙམ།། གང་འབྱུང་དམ་པའི་སྔ་ལྟས་སོ།། གང་གི་དམ་པ་ཉིད་ཐོས་ན།། མི་སྐྲག་མི་དངང་དགའ་བ་སྐྱེ།། གང་ཞིག་དམ་པ་ཉིད་ལྟ་བ།། ཐམས་ཅད་དམ
268b4 པ་ཉིད་དུ་མཐོང་།། དམ་པའི་ཀློང་དུ་གང་གྱུར་པ།། རྣམ་གྲངས་མང་པོར་དམ་པར་སྡུད།། དམ་པ་ངེས་པ་མཐོང་བ་ན།། ཚིག་ལམ་རྗེས་སུ་དེ་མི་འགྲོ།། དེ་མཐོང་ཐམས་ཅད་དམ་པར་གསལ།། སྣང་བ་མེད་པའི་དམ
268b5 པ་ནི།། སྣང་བ་མེད་པར་མཐོང་བར་འགྱུར།། དེ་ཉིད་ཀུན་གྱི་རྒྱུ་ཡིན་ཏེ།། ཆོ་འཕྲུལ་རྒྱུ་བ་ཐམས་ཅད་འབྱུང་།། གཡོ་དང་གྲོད་ཐོབ་བརྟན་པ་དང་།། གསལ་དང་རྟགས་ཐོབ་བརྟན་པ་དང་།། ཉི་ཟེར་རྡུལ་ཕྲན་སྨིག་རྒྱུ
268b6 དང་།། མཚོ་རླབས་རླུང་དང་ཆར་གྱི་རྒྱུན།། སྤྲིན་ལྡིང་ཏ་ལ་གང་འཕར་འགྲོ།། ས་གཡོ་འབྱུང་བའི་སྐྱེ་མཆེད་སྣང་།། འབྱུང་རྒྱུན་ཟུག་རྔུ་ལ་སོགས་པ།། གང་གིས་ཡོངས་སུ་ནད་ཞི་བ།། མུན་པའི་སྐྱེ་མཆེད་ཆོམས་པ
iiif viewer powered by OpenSeadragon
