| e-texts navigator |
| Wylie |
266b1 གསང་བ་པའི་བདག་པོས་དམན་པ་རྣམས་ལ་སྨྲས་པ།། ཀྱེ་གྲོགས་པོ་དག་གང་ཉམ་རྙེད་པར་བྱ་བ་ནི་འདི་ལྟ་སྟེ། དགོངས་པ་དམ་པ་ཀུན་འདུས་ལ།། འཇུག་པའི་གཙོར་ནི་བསམ་གཏན་ཏེ།། འཁོར་ལོས་དབང
266b2 སྒུསྐུར་ཇི་བཞིན་དུ།། ཆོས་ཀུན་དབང་སྦྱར་བསམ་གཏན་ཡིན།། རྣལ་འབྱོར་བསམ་གཏན་ཆེན་པོ་འདི།། དུག་དང་མུན་པ་གསེར་འགྱུར་བཞིན།། ཐམས་ཅད་དབང་སྒྱུར་བསམ་གཏན་ཡིན།། དེས་ན་དམ་པའི་བསམ
266b3 གཏན་བྱ།། གལ་ཏེ་བསམ་གཏན་འདི་མེད་ན།། རྒྱ་མཚོ་མཇིང་གི་ཕ་བོང་ལྟར།། དཔག་ཏུ་མེད་པའི་སྒོ་བཅད་ཀྱང་།། དོན་མེད་སྙིང་པོ་སྐམས་པ་ཡིན།། རྣལ་འབྱོར་ཆེན་པོའི་བསམ་གཏན་ནི།། ཇི་བཞིན་པ་ཡི་དེ
266b4 ཉིད་ལ།། མ་བཅོས་པ་ཡི་བློ་བཞག་སྟེ།། མ་ཡེངས་སྐྱེ་འགག་མེད་པའོ།། རྣལ་འབྱོར་དམ་པ་ཇི་བཞིན་པ།། སེམས་ཀྱི་ཆོས་ཉིད་དེ་ཉིད་དོ།། དེ་བཞིན་ཉིད་ཅེས་མི་དམིགས་པ།། རྩ་བའི་ཀུན་ཤེས་ཀུན་གཞི་ཉིད།།
266b5 ཅི་ཕྱིར་མ་བྱས་མ་བཅོས་པ།། རང་འབྱུང་དེ་བཞིན་ཉིད་ཅེས་བཤད།། ཐམས་ཅད་ཀུན་དུ་སྣང་བ་ནི།། འཇུག་པའི་རྣམ་ཤེས་ཡུད་ཙམ་ཉིད།། ཅི་ཕྱིར་ཀུན་དུ་སྣང་འཇུག་པས།། ཕྱི་ནང་ཀུན་དུ་སྣང་བར་བཤད།། རྒྱུ
266b6 ཡི་རྣམ་པར་བཀོད་པ་ནི།། འཇུག་པའི་རྣམ་ཤེས་སྒོ་ལྔ་ཉིད།། ཐམས་ཅད་གང་གི་རྒྱུར་བཀོད་པས།། ཐམས་ཅད་འབྱུང་བའི་རྒྱུ་ཞེས་བཤད།། གང་གི་དགོངས་པ་དམ་པ་ནི།། སྟོང་པ་མ་ཡིན་ཐེག་ཟུག་མེད།། དབུ
iiif viewer powered by OpenSeadragon
