| e-texts navigator |
| Wylie |
266a1 འཇུག་ཀྱང་།། གོ་འཕང་དམ་པ་དེ་ཉིད་དུ།། དེས་པ་ཅི་ལའང་བག་མི་ཚ།། རིམ་གྱིས་མཚན་མར་སྤྱོད་པ་དང་།། མེད་དང་དམིགས་དང་མི་དམིགས་དང་།། བསྒྲུབ་དང་བགྲོད་པར་བྱེད་པ་ཡི།། བྱེ་བྲག
266a2 མེད་པར་རྟོག་འཇུག་པ།། བླུན་པོ་དེ་དག་སྟོངས་པ་སྟེ།། དམ་པར་ངེས་པ་ག་ལ་ཡིན།། གཅན་གཟན་ཐ་མའི་ཕྲུ་གུ་འདྲ།། སྐྲག་ཅིང་དངང་པའི་རང་བཞིན་ནོ།། མཐའ་ཡས་ཇི་སྙེད་ཆོས་ཀུན་གྱི།། རང་བཞིན་ཇི་ལྟར
266a3 གནས་པ་བཞིན།། མ་བཅོས་ཕྱིན་ཅི་མ་ལོག་པ།། དེ་བཞིན་ཉིད་དུ་ཟག་ཆོད་པའོ།། ཇི་ལྟར་ཁྱུང་ཆེན་མཁའ་ལྡིང་བ།། འདབ་གཤོག་རྩལ་གྱིས་ནམ་འཕང་སྤྱོད།། རི་བྲག་ཆུ་ཀླུང་མཐའ་ཡས་ཀྱང་།། འཕུར་རླབས
266a4 འོག་ཏུ་ཀུན་ཆུད་ལྟར།། རྣལ་འབྱོར་ཆོས་ཉིད་མཁའ་འགྲོ་བ།། ཐེག་པའི་སྤྱོད་སྒོ་མཐའ་ཡས་ཀྱང་།། ཇི་བཞིན་མ་བཅས་པ་དོན་གྱིས་ན།། གོ་འཕང་རླབས་ཀྱིས་ཟག་བཅད་པ། འདི་ནི་རེ་དང་དོགས་པ་ཡི།། ཐེ་ཚོམ
266a5 གཅོད་པའི་ངེས་པ་སྟེ།། དམ་པ་ཉིད་ལ་ལྟ་བ་ཡི།། གོ་འཕང་གཅོད་པ་ངེས་པར་གཅེས།། གྲོགས་པོ་དག་དེ་དག་ནི་ས་ཡོངས་སུ་གཅོད་པར་བགྲོས་པར་ཤེས་པར་བྱའོ།། དེ་སྐད་ཅེས་སྨྲས་པས།། དམན་པ་རྣམས་རེ
266a6 དོགས་མེད་པར་ཟག་གཅོད་པའི་གོ་འཕང་ཐོབ་པར་གྱུར་ཏོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཐེ་ཚོམ་ཡོངས་སུ་གཅོད་པའི་ལེའུ་ཞེས་བྱ་སྟེ་བདུན་ཅུ་གཉིས་པའོ།། །། དེ་ནས་ཡང
iiif viewer powered by OpenSeadragon
