| e-texts navigator |
| Wylie |
265b1 པའོ།། དེ་ཁོ་ན་ཉིད་དེ་མ་ནོར་བར་བསྟན་ན་ཆོས་ཀྱི་སྒོ་དཔག་ཏུ་མེད་པ་བསྟན་པའོ།། དེ་ཁོ་ན་ཉིད་དེ་ཕྱིན་ཅི་མ་ལོག་པར་ཐོས་ན་བསམ་གྱིས་མི་ཁྱབ་པའི་ཆོས་ཀྱི་སྒོ་ཐོས་པའོ།། དེ་ཁོ་ན་ཉིད་དེ་མངོན་དུ་གྱུར་ན།།
265b2 དཔག་ཏུ་མེད་པའི་རྒྱལ་བ་མཐོང་བར་འགྱུར་རོ།། དེ་ཅིའི་ཕྱིར་ཞེ་ན། དེ་དག་ཐམས་ཅད་ཀྱི་བཅུད་དུ་བྱ་བའམ་སྙིང་པོར་བྱ་བ་ནི་དེ་ཁོ་ན་ཉིད་དེ་དེ་ལས་མེད་པའི་ཕྱིར་རོ།། གྲོགས་པོ་དག་དེ་བས་ན་འདི་ལྟར། དེ
265b3 བཞིན་ཉིད་ཀྱི་དོན་མཐོང་ན།། མཐོང་བས་ཐམས་ཅད་སྒྱུ་མ་ཡིན།། དེ་ཉིད་གོ་འཕང་མཆོག་འཕགས་ན།། བླ་མེད་མཐོ་བཙུན་མཐའ་དག་བརྫུན།། དེ་བཞིན་ཉིད་དུ་ངེས་ཕན་ཆད།། གང་དམན་སྤ་གོང་ཞུམ་པ་མེད།།
265b4 དེ་བཞིན་ཉིད་དུ་ཐག་ཆོད་ན།། འཇིག་རྟེན་གནས་ཀྱང་ཆོས་ཀྱི་སྐུ།། དམ་པར་ངེས་ཀྱང་འཇིག་རྟེན་འཇུག། འཁོར་བའི་མཐའ་ལའང་སྐྱོ་བ་མེད།། མུ་མཐའ་ཡས་ཀྱང་གཅིག་ཏུ་རྫོགས།། བདུད་ཀྱི་ཁམས་ལ་ཉམས
265b5 མི་ང་།། མི་བཟང་ཁམས་ལ་བག་མི་ཚ།། འདོད་པའི་དངོས་པོ་དབྱིངས་ལ་སྦྱོར།། ཅིག་ཅར་ངེས་པའི་དོན་མཐོང་ན།། རིམ་གྱིས་སྦྱོར་བ་སླུ་འདྲིད་འདྲ།། དེ་ལ་མོས་པ་ཙམ་གྱིས་ཀྱང་། ཁམས་གསུམ་ཟིལ་གྱི་གནོན
265b6 པར་འགྱུར།། ཀློང་དུ་གྱུར་པ་སྨོས་ཅི་དགོས།། དཔེར་ན་སེང་ཕྲུག་ཁྱུང་སྒོང་དག། མིག་མ་བྱེ་ཞིང་མར་བླངས་ཀྱང་།། ཀུན་སྐྲག་སྒོ་ང་འམ་མཁར་འགྲོ་ལྟར།། དེ་ཉིད་ངེས་པར་གང་གྱུར་པ།། དེ་དག་འཇིག་རྟེན་གཞན
iiif viewer powered by OpenSeadragon
