| e-texts navigator |
| Wylie |
265a1 ཆུར་ཞུགས་པ།། ཐོགས་ཆགས་འཇིགས་པ་ཡོད་མེད་པར།། དགའ་བའི་ལོངས་སྤྱོད་བྲོད་ཚུལ་གྱིས།། མི་ལྡོག་ཕ་རོལ་ཕྱིན་པ་ལྟར།། རྣལ་འབྱོར་ངེས་པར་སྤྱོད་པ་ཡང་།། བརྟུལ་ཞུགས་རྒྱ་མཚོའི་ཆུར
265a2 འཇུག་པ།། རྩལ་ཆེན་སྦྱོང་བའི་བྲོད་ཚུལ་གྱིས།། ཐོགས་ཆགས་མེད་པར་ལ་དོར་བའོ།། སྤྱོད་པ་གང་བར་བྱ་བའི་ཐབས།། གོམས་པ་ཀློང་དུ་གྱུར་པ་གཅེས།། གྲོགས་པོ་དག་དེ་དག་ནི་ལ་དོར་བར་ཤེས་པར་བྱའོ།།
265a3 སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྣལ་འབྱོར་སྤྱོད་འཇུག་གི་ལེའུ་ཞེས་བྱ་སྟེ་བདུན་ཅུ་གཅིག་པའོ།། །། དེ་ནས་གང་གསང་བ་པའི་བདག་པོས་དམན་པ་རྣམས་ལ་སྨྲས་པ། ཀྱེ་གྲོགས
265a4 པོ་དག་གང་གིས་བཅད་པར་བྱ་བ་ནི་འདི་ལྟ་སྟེ། དགོངས་པ་དམ་པ་དེ་ཁོ་ན་ཉིད་དོ།། དེ་ཅིའི་ཕྱིར་ཞེ་ན། དགོངས་པ་དེ་ཁོ་ན་ཉིད་གཅིག་བསླབས་པས་བསམ་གྱིས་མི་ཁྱབ་པའི་ཆོས་ལ་བསླབས་པའོ།། དེ་ཁོ་ན་ཉིད
265a5 གཅིག་ལ་མཁས་ན་བསམ་གྱིས་མི་ཁྱབ་པ་ལ་མཁས་པའོ།། དེ་ཁོ་ན་ཉིད་དེ་ལ་གོམས་ན་བསམ་གྱིས་མི་ཁྱབ་པ་ལ་སྒོམ་པའོ།། དེ་ཁོ་ན་ཉིད་དེ་ལས་མ་འདས་ན་བསམ་གྱིས་མི་ཁྱབ་པའི་དམ་པ་བསྲུངས་པའོ།། དེ
265a6 ཁོ་ན་ཉིད་དེ་ལ་ཞུགས་ན་བསམ་གྱིས་མི་ཁྱབ་པའི་སྒོར་ཞུགས་པའོ།། དེ་ཁོ་ན་ཉིད་དེ་ལ་སྤྱོད་ན་བསམ་གྱིས་མི་ཁྱབ་པའི་ཡོ་བྱད་ལ་སྤྱོད་པའོ།། དེ་ཁོ་ན་ཉིད་མངོན་དུ་བྱས་ན་བསམ་གྱི་མི་ཁྱབ་པའི་རྒྱ་མཚོ་སྙེད་བྱས
iiif viewer powered by OpenSeadragon
