| e-texts navigator |
| Wylie |
264a1 ལོས་སྒྱུར་རྒྱལ་དག་དང་མཉམ།། དེ་ཡི་དགོངས་པ་ཀུན་དུ་འགྲུབ།། ཚེ་དང་སྐེངས་དང་ལས་འགྲུབ་འགྱུར།། ཕྱིན་ཅད་བླ་མེད་བྱང་ཆུབ་ནི།། ས་ལ་རེག་པའི་རྟགས་ཆེན་ཡིན།། གཞན་ཡང་ཡོན་ཏན
264a2 བསམ་མི་ཁྱབ།། དེ་དག་རང་གི་རང་བཞིན་དུ།། གནས་པའི་ཡོན་ཏན་དེ་དག་གོ། བསྒྲུབས་ན་ཡོན་ཏན་བསམ་མི་ཁྱབ།། སེམས་ཅན་རྣམས་པ་ཐམས་ཅད་ལ།། བྱང་ཆུབ་སྙིང་པོ་ཉིད་ཡོས་པས།། མེ་ཡི་ལས་ཀྱི་བྱ
264a3 བ་ཡིས།། ལྔ་ཕུང་སྦྱངས་ན་མེད་མི་སྲིད།། འདི་དག་བསྒྲུབ་པར་བྱ་བ་ཡང་།། ཤེལ་གྱི་ཟ་མ་ཏོག་ནང་དུ།། བསྡུས་ཏེ་ཕྱག་རྒྱའི་རྒྱས་བཏབ་ནས།། ཤེལ་གྱི་གའུའི་ནང་དུ་བཅའ།། བསྒྲུབ་པས་དེ་ལ་སྨོན་ལམ་དང་།།
264a4 སྒྲིབ་སྦྱང་གསོ་ལ་འཕྲོ་འདུ་བྱ།། འཕྲོ་འདུ་བྱ་བའི་ཆོ་ག་ཡང་།། ནམ་མཁའ་གང་བའི་ཤ་རི་རམ།། ཞིང་ཁམས་གང་བའི་རྒྱལ་བ་ལས།། ཆར་གྱི་རྒྱུན་བཞིན་དེ་ལ་འབབ།། རྩེ་གཅིག་བཟླས་པ་གསུང་གི་རྒྱུན།། མ་ཧཱ
264a5 ཤ་རི་རམ་གྱི་ལི་ཧཱུཾ། གྲངས་མེད་བར་ཆད་མེད་པར་བཟླས།། མཆོག་ཏུ་གསལ་ཞིང་འཚེར་བ་དང་།། འོད་ཀྱི་ཟེར་ཕྲེང་ཉི་ཟེར་བཞིན།། ཟང་ཟིང་བྲང་བྲེང་སྣང་བར་འགྱུར།། ཟ་མ་ཏོག་གི་ཕྱི་རོལ་ན།། གསལ་བ་དེ
264a6 ལ་འབྱུང་བར་འགྱུར།། འགུལ་ཞིག་མང་པོར་འཕེལ་བ་དང་།། རྒྱལ་བ་སེམས་དཔའ་རིག་འཛིན་གྱིས།། གཟུགས་བརྙན་ཤེལ་དང་དེ་ལས་ནི།། གསལ་བར་བདག་ལ་སྟོན་པར་འགྱུར།། དང་པོ་སྣོད་དེ་ཁེགས་པ
iiif viewer powered by OpenSeadragon
