| e-texts navigator |
| Wylie |
263b1 ཁྱད་པར་རིམ་པས་ནི།། རྒྱལ་བའི་སྐུ་གདུང་ཤ་རི་རམ།། ཞིང་ཁམས་ཀུན་དུ་ཁྱབ་པར་ནི།། མགར་དང་བཟོས་ནི་བཟླུམས་པ་བཞིན།། བྱས་པ་མེད་ལས་སྣང་བ་དག། དཀར་འཚེར་མདོག་གསལ་འཛག་འདྲ་བ།།
263b2 ཙན་དམར་མདངས་སུ་གསལ་བ་ཡི།། ནམ་མཁའ་གང་བར་ཆར་བཞིན་འབབ།། རིག་འཛིན་སེམས་དཔའ་སྤྲུལ་པའི་གདུང་།། དཀར་གསལ་འགའ་འགའ་ཙམ་དུ་འབྱུང་།། གང་ཟགས་པའི་རྟགས་ཆེན་ནི།། མདོག
263b3 མཉམ་གཅིག་གསུམ་གཉིས་གསུམ་གཅིག། ལ་ལར་ལྔའམ་བཅུ་འབྱུང་ཞིང་།། ཡོན་ཏན་དེ་ནི་དེ་ལྟར་རོ།། དེ་ཡང་སྲ་མཁྲེགས་རྡོ་རྗེ་འདྲ།། ལྕགས་ཀྱི་གཏུན་གྱིས་ཡང་མི་ཚོགས།། འདི་དག་ཕེབས་པའི་ཡོན་ཏན
263b4 ཡང་།། གང་དང་གང་དུ་བབས་པ་ཡི།། ཡུལ་ཁམས་དེ་དག་ཐམས་ཅད་དུ།། ནད་དང་མི་ངེས་བགེགས་རྣམས་ཞི།། གནོད་སྦྱིན་སྲིན་པོ་མ་རུངས་པ།། དྲག་པོ་གཏུམ་པོའང་ལྷན་ནེར་འགྱུར།། རྒྱལ་པོ་འཁྲུགས་དང
263b5 ཁམས་འཁྲུགས་དང་། ཡུལ་ཁམས་འཁྲུགས་པའང་ཞི་བར་འགྱུར།། འབྲས་བུ་ལོ་ཏོག་འཕེལ་སྨིན་ཅིང་།། ཡིད་དུ་འོང་བ་ཐམས་ཅད་འབྱུང་།། ཡུལ་དེ་དམངས་དང་རྒྱལ་པོ་ཡི། ས་བོན་ཐམས་ཅད་བུ་ཕོར་འགྱུར།།
263b6 བདེར་བཅས་མཚན་ལྡན་རིགས་མཐོན་ནི།། བུ་ཕོ་ཀུན་ཀྱང་འབྱུང་བར་འགྱུར།། འདི་དག་སུ་ལ་འཆང་བ་རྣམས།། རིག་འཛིན་ས་དང་སྐལ་བ་མཉམ།། འཇིག་རྟེན་འདི་ཡི་བསོད་ནམས་ཀྱང་།། འཁོར
iiif viewer powered by OpenSeadragon
