| e-texts navigator |
| Wylie |
262b1 ཞལ་གྱིས་འཆེས།། དངོས་པོ་སྲེག་པའི་ཕྲིན་ལས་ནི།། ཐུགས་དམ་དབང་གིས་ཡང་མི་འདའ།། གང་གི་སྒྲིབ་སྲེག་དེ་ཉིད་མཁྱེན།། རོ་ཡི་རྣམ་ཤེས་བྱང་མ་བྱང་།། མེ་ལ་མཁས་པས་དེ་བཞིན་བརྟག། མི་སྡུག་ཚུལ
262b2 འབྱུང་སྲེག་སྦྱང་བྱ།། གལ་ཏེ་ལགས་ན་མེ་དབང་བསྐུར།། ཐལ་བ་སྐུ་གདུང་རིང་བསྲེལ་དང་།། ཕྱག་རྒྱའི་དཀྱིལ་འཁོར་ལ་སོགས་བྱ།། དམ་པ་ཞིག་ན་གདུང་བཏགས་ཏེ།། བླ་མའི་རྟེན་དུ་དབུལ་བར་བྱ།། འདི་ནི
262b3 སྦྱོར་བ་ཀུན་གྱི་མཆོག། དེ་སྐད་སེམས་དཔའ་མཆོག་དེས་སྨྲས།། གྲོགས་པོ་དག་དེ་དག་ནི་མེའི་བྱ་བས་ཡོངས་སུ་ཤེས་པར་བྱའོ།། རྡོ་རྗེ་གསང་བ་ཆོས་ཀྱི་སྤུན།། མེ་ཡི་བྱ་བ་ལས་བྱུང་བ།། གདུང་ཞེས་གྲགས་པའི
262b4 ཤ་རི་རམ།། དཔག་མེད་ཇི་སྲིད་དུས་དག་ནས། གྲངས་མེད་སྤྲུལ་པའི་རྒྱལ་བ་དག་མྱ་ངན་འདས་པར་གྱུར་ཕྱི་ན།། མེད་པ་ལས་བྱུང་སྐུ་གདུང་ནི།། སྐུ་ཡི་གདུང་དང་རིང་བསྲེལ་ཞེས།། འགྲོ་བའི་བསོད་ནམས་རྟེན
262b5 དུ་གྲགས།། རྒྱལ་བ་རྣམས་ནི་དངོས་མེད་པས།། སྐུ་གདུང་རིང་བསྲེལ་མི་སྲིད་ན།། སེམས་ཅན་རྣམས་ལ་ཕན་དོན་དུ།། མེད་ལས་ཐུགས་རྗེའི་ཆོ་འཕྲུལ་བཞག། དེ་བཞིན་གང་དུ་གང་བྱུང་བའི།། གང་འདིར་སྣང་བ
262b6 སྒྲོན་མ་དག། མྱ་ངན་འདས་པའི་སྐུ་གདུང་ཡང་།། ཤ་རི་རམ་ཞེས་གྲགས་པར་འགྱུར།། དེ་ཡི་ལས་ཀྱང་དེ་བཞིན་ནོ།། དེ་ལ་སོགས་པའི་རྒྱལ་བ་རྣམས།། རང་འབྱུང་རྗེས་གནས་འབྱུང་བཅས་རྣམས།། ཚུལ་མཐུན
iiif viewer powered by OpenSeadragon
