| e-texts navigator |
| Wylie |
262a1 གསལ་བར་དགོད།། རོ་ཁང་གློ་སྐར་བཞི་ཕྱེ་ལ།། རྡོ་རྗེ་གཟུངས་ཀྱི་རྒྱུད་ཟག་བཞེས། བཏགས་ནས་བླ་མའི་ཕྱག་ཏུ་ཕུལ།། ཤིང་གི་བྱ་བ་རྫོགས་པ་དང་། དེ་ཡི་ཕྱི་མཐའ་སྟེགས་བུ་ལ།། རྣམ་བཞི་ལས
262a2 ཀྱི་ལྷ་རྣམས་དགོད།། སྟེགས་བུ་རྫོགས་པར་གྱུར་པ་དང་།། རྡོ་རྗེ་ལས་ཀྱི་སྒོས་བཏབ་པ།། རྡོ་རྗེ་རྒྱལ་པོ་བླ་མ་ལ།། འཁོར་བ་སྲེག་པར་མངའ་གསོལ་ཏེ།། མི་གཡོ་མེ་ཆེན་རྩེ་གཅིག་པས།། མེ་ཡི་འདུ་འཕྲོ་རྒྱུན་དུ་བྱ།།
262a3 རྡོ་རྗེ་སྔགས་ཀྱི་ལས་སྦྱར་ལ།། རྣམ་བཞི་ལས་ཀྱི་མངའ་གསོལ་ཏེ།། ལས་ཀྱི་ཕྲེང་བ་རྫོགས་པར་བྱ།། བླ་མ་རྡོ་རྗེ་དམ་པ་ཞིག། རོ་ཡི་ཉེས་པའི་མཐའ་བཟུང་ནས།། ལས་ཀྱིས་བསགས་པ་བགྲང་ཞིང་གཤེགས།།
262a4 སྐབས་སྦྱོར་རྡོ་རྗེ་ལ་མ་ཡིས།། བླ་མེད་མཆོད་པ་རྒྱུན་དུ་བྱ།། བྲོ་གར་གླུ་ཚིག་སྟབས་ཆེན་གྱིས།། མཆོད་པར་རོལ་མོ་སྣ་ཚོགས་དབུལ།། རྡོ་རྗེ་ལས་ཀྱི་སྨོན་ལམ་གདབ།། མཆོད་སྐབས་ལས་ཀྱི་འཇུག་དུ་བྱ།། རྡོ་རྗེ
262a5 ལས་ཀྱི་ལྟ་འཛིན་པས།། དཀར་བྱང་ལས་ཀྱི་ལྟ་བཟུང་སྟེ། ལེགས་མཐའ་དམ་པ་རྣམས་ལ་དབུལ།། རོ་ཡི་ཉེས་མཐའ་གང་འཛིན་པས།། མཚན་མ་ནག་པོ་བུད་ཤིང་དག། ཡེ་ཤེས་མེ་ཡི་ཀློང་དུ་སྲེག། མེ་སྦྱོར་མེ་ལ
262a6 གནས་པའི་ལྷ།། མེ་ཡི་སངས་རྒྱས་འོད་དཔག་མེད།། མེ་ཡི་ལྷ་མོ་གོས་དཀར་མོ།། རྒྱལ་བ་ཀུན་གྱི་འོད་ཡིན་ཏེ།། འབྱུང་བ་མེ་ལ་དབང་བསྒྱུར་ཞིང་།། ཐམས་ཅད་ཀུན་གྱི་དྲོད་བདག་ཡིན།། སྲིད་གསུམ་སྲེག་པར
iiif viewer powered by OpenSeadragon
