| e-texts navigator |
| Wylie |
261a1 འབྱོར་བྱ།། རིགས་ཀྱི་རིགས་རྒྱུད་ལྔར་རྣམས་ནི།། སོ་སོ་རིགས་སུ་བཤེར་བཏབ་སྟེ།། ཀློང་ཡངས་འཁྱིལ་བའི་ཧོམ་ཁུང་དུ།། དམ་རྫས་བདུད་རྩི་འབར་བ་ཡིས།། སྦྱངས་དང་ཐོབ་ཕྱིར་བསྲེག་བྱར
261a2 འོས།། དཔག་མེད་རྒྱལ་བ་རྒྱ་མཚོའི་ཚོགས།། ཆེ་བ་སྔགས་པའི་ཡོན་ཏན་དག། རྡོ་རྗེ་གླུ་ཡིས་བརྗོད་ནས་ཀྱང་།། མཉེས་པར་བྱ་བའི་ཐབས་ཆེན་བརྩམ།། མཉེས་པའི་ལས་རྣམས་རྫོགས་པ་དང་།། གང་ཡང་མ་བྱང
261a3 དོན་ཆེན་རྣམས།། གྲུབ་དང་མ་གྲུབ་དེ་རྣམས་དག། མི་ལ་མཁས་པས་བརྟག་པར་བྱ།། མེ་སྒྲ་གཉིས་དང་ཁ་དོག་གཉིས།། འབར་ཚུལ་གཉིས་དང་དབྱིབས་རྣམས་དྲུག། དེ་དག་ཡོངས་སུ་ཤེས་པར་བྱ།། གལ་ཏེ
261a4 མཚན་ལ་མི་སྡུག་ན། ཡིད་དུ་མི་འོང་རྟགས་ཡིན་པས།། སྲེག་སྦྱངས་ཆེན་པོས་རྒྱས་པར་བྱ།། དེ་ནས་ཡིད་འོང་འདོད་འབྱུང་བ། དེ་ལ་འདོད་པའི་མཚན་མ་རྣམས།། རྣམ་གསུམ་གང་ལྟར་འགྲུབ་པ་བླང་།། འདུས་པ
261a5 ཆེན་པོ་གཞན་ཡང་གང་།། རོ་ཡི་རྫས་རྣམས་སྲེག་སྦྱང་ན།། རོ་ལ་སྔགས་ཀྱིས་བཏབ་ནས་ཀྱང་།། ཤིན་ཏུ་དྲི་ཞིམ་སྣ་ཚོགས་ཀྱིས།། རོ་ལ་བྱུག་ཅིང་བཀྲུ་བར་བྱ།། བདུད་རྩི་ཞུན་ཆེན་ཁུ་བ་ཡིས།། རས་ལ་བྱུགས་པས
261a6 རོ་དཀྲིས་པས། རོ་ཡི་གནས་རྣམས་གང་ཡིན་པར།། སྔགས་ཀྱི་སྦྱོར་བ་ཀུན་བཀོད་ནས།། ཕྱག་རྒྱའི་མཚན་མས་གདབ་པར་བྱ།། རྒྱལ་བའི་དཀྱིལ་འཁོར་བཀོད་པ་གང་།། དེ་ཡི་མཚན་པའི་ཕྱག་རྒྱ་རྣམས།། གང་དུ
iiif viewer powered by OpenSeadragon
