| e-texts navigator |
| Wylie |
260b1 བསྲེགས་སྦྱངས་ཐིམ།། ཀུན་གཞི་བྷ་གའི་ཧོམ་ཁུང་དུ།། ཉོན་མོངས་ལྔ་ཡི་ཡམ་ཤིང་ལ།། ཡེ་ཤེས་ལྔ་ཡི་མེ་བྱུང་བས།། གཟུང་འཛིན་རྟོག་པ་བསྲེགས་སྦྱངས་ཐིམ།། སྣང་སྲིད་ནམ་མཁའི་ཧོམ་ཁུང་དུ།། འབྱུང་བ་བཞི
260b2 ཡི་ཡམ་ཤིང་ལ།། ཕྱག་རྒྱ་འབར་བའི་མེ་བྱུང་བས།། སྣང་སྲིད་དངོས་པོ་བསྲེགས་སྦྱངས་ཐིམ།། རྣམ་བཞིན་ལས་ཀྱི་ཧོམ་ཁུང་དུ།། བཞི་འམ་བཞི་ཡི་ཡམ་ཤིང་ལ།། རིགས་བཞི་འབར་བའི་མེ་བྱུང་བས།། མཆོད
260b3 སྦྱིན་དངོས་པོ་བསྲེགས་སྦྱངས་ཐིམ།། འདི་ཡང་སོ་སོའི་ཁྱད་པར་གྱིས།། ཕྱོགས་དང་ཁ་དོག་དབྱིབས་དང་རྫས།། གང་ལྟར་རིགས་པ་དེ་ལྟར་སྦྱར།། ཤར་ལྷོ་ནུབ་བྱང་དཀར་སེར་དམར།། མཐིང་ག་ནག་པོ་ཐལ
260b4 མཐོག་སྦྱར། ཟླུམ་པོ་པདྨ་ལེའུ་ཚེ་བཞི།། འཁོར་ལོ་གྲུ་བཞི་ཟུར་བརྒྱད་རྒྱས།། ཟླ་གམ་གྲུ་ཆད་གཞུ་དབྱིབས་དབང་།། གྲུ་གསུམ་བྷ་གའི་མཁའ་མངོན་སྤྱོད།། གསུམ་བརྩེགས་མདངས་དང་རི་མོར་མཛེས།། ལས
260b5 ཀྱི་ཡམ་ཤིང་རྫས་གྱིས་བརྒྱན།། ཡེ་ཤེས་རྡོ་རྗེ་ལས་རྒྱུད་ལྡན།། བླ་མ་གསུམ་གྱི་ཐབས་མཆོག་སྦྱར།། དག་པའི་མཐའ་མཉེས་མཆོག་འཛིན་པ།། རྡོ་རྗེ་གསང་བའི་གླུ་བྲོ་གར།། མཆོད་པ་ངེས་པས་འབྱོར་ཚོགས་སྦྱར།།
260b6 རྡོ་རྗེ་ལས་ཀྱི་བྱིན་བརླབས་སྦྱར།། གསང་བ་ལས་ཀྱི་རྒྱུད་ལྡན་པས།། བཤེར་བཏབ་ཞི་བའི་ལྷ་རྒྱུད་དང་།། རྒྱས་དང་དབང་བཤད་རྒྱུད་བཤད་པས།། ལྷ་དང་སྔགས་དང་ཕྱག་རྒྱ་དང་།། དེ་བཞིན་གླུ་ཡི་རྒྱུད
iiif viewer powered by OpenSeadragon
