| e-texts navigator |
| Wylie |
260a1 ལ།། ཐུགས་རྗེ་བདེ་མཆོག་ཨ་ལ་ལ།། དབང་ཕྱུག་འཇིགས་བྱེད་ཨ་ལ་ལ།། གསང་མཆོག་རྨད་འབྱུང་བྱིན་བརླབས་ཀྱིས།། མེ་ཡི་རང་བཞིན་རིན་པོ་དག། བདག་ཅག་རྣམས་ལ་བཤད་དུ་གསོལ།།
260a2 དེ་སྐད་འདུས་པས་གསོལ་བ་ལས།། དེ་ཉིད་དགྱེས་པས་འདི་སྐད་དུ།། འདུས་པ་ཆེན་པོའི་རྣལ་འབྱོར་པ།། རྡོ་རྗེ་མེ་ཡི་རང་བཞིན་དག། ངེས་པར་བཤད་ཀྱིས་གུས་པར་ཉོན།། ཁྱད་པར་བླ་མའི་ལམ་མཆོག་འདིས།།
260a3 རྣལ་འབྱོར་ཐབས་སུ་བདེ་སྦྱར་བས།། རྒྱལ་བ་ཀུན་མཉེས་ཀུན་བསྲེགས་སྦྱངས།། དོན་གྲུབ་ལས་ཀྱི་མཆོག་ཏུ་སྦྱངས།། ཇི་བཞིན་པ་ཡི་ཧོམ་ཁུང་དུ།། ཇི་སྙེད་པ་ཡི་ཡམ་ཤིང་ལ།། དེ་བཞིན་ཉིད་ཀྱི་མེ་བྱུང་བས།།
260a4 ཐམས་ཅད་ཐམས་ཅད་བསྲེགས་སྦྱངས་ཐིམ།། སྐྱེ་མེད་རྣམ་དག་ཧོམ་ཁུང་དུ།། སྐྱེ་བ་རྣམ་བཞིའི་ཡམ་ཤིང་ལ།། མ་སྐྱེས་སྤྲོས་བྲལ་མེད་བྱུང་བས།། མཚན་མའི་བག་ཆགས་བསྲེགས་སྦྱངས་ཐིམ།། བསམ་དུ་མེད
260a5 པའི་ཧོམ་ཁུང་དུ།། བསམ་གྱིས་མི་ཁྱབ་ཡམ་ཤིང་ལ།། འོད་དཔག་མེད་པའི་མེ་བྱུང་བས།། མཐའ་ཡས་རྡུལ་སྙེད་བསྲེགས་སྦྱངས་ཐིམ།། ཆོས་ཉིད་རྣམ་དག་ཧོམ་ཁུང་དུ།། ཆོས་ཅན་སྣ་ཚོགས་ཡམ་ཤིང་ལ།། སྟོང
260a6 ཉིད་ཡེ་ཤེས་མེ་འབར་བས།། དངོས་པོའི་བག་ཆགས་བསྲེགས་སྦྱངས་ཐིམ།། སེམས་ཉིད་རྣམ་དག་ཧོམ་ཁུང་དུ།། སེམས་ཅན་སྐྱེ་འགྲོ་ཡམ་ཤིང་ལ།། རང་འབྱུང་ཡེ་ཤེས་མེ་འབར་བས།། འཁོར་བའི་བག་ཆགས
iiif viewer powered by OpenSeadragon
