| e-texts navigator |
| Wylie |
259b1 བཙས་པ་དང་།། གླུ་བྲོ་གར་དང་རོལ་མོར་བཅས།། དུག་འཇོམས་སྨན་དང་བདུད་རྩི་རྣམས།། རྒྱལ་བ་རྒྱ་མཚོ་སྙེད་ལ་དབུལ།། མཉམ་པ་ཉིད་ཀྱི་མཆོད་སྦྱར་བས།། རྒྱུད་བྱང་ཐམས་ཅད་མཉམ་པར་གྱུར།། དེ་སྐད
259b2 སྨྲས་པས་འདུས་པ་ཀུན།། ཐམས་ཅད་རྒྱུད་བྱང་རྣམ་གྲོལ་རིག། གྲོགས་པོ་དག་དེ་དག་ནི་བཀོད་པའི་བྱ་བས་ཡོངས་སུ་སྦྱང་བར་ཤེས་པར་བྱའོ།། གྲོགས་པོ་དག་འདི་ལ་མེའི་བྱ་བས་ཡོགས་སུ་སྦྱང་བ་གང་ཞེ་ན།།
259b3 འདི་ལྟ་སྟེ། ཆོས་ཐམས་ཅད་ཆོས་ཉིད་དུ་སྦྱང་བའི་ཕྱིར་དངོས་པོ་ཐམས་ཅད་མེའི་རང་བཞིན་དུ་བྱིན་གྱིས་བརླབས་པས་འདུས་པའི་ཚོགས་ཐམས་ཅད་ཀྱིས་ཆོས་ཐམས་ཅད་མེའི་རང་བཞིན་དུ་སྣང་བ་མཐོང་སྟེ།
259b4 ཤིན་ཏུ་ངམ་ནས་ངོ་མཚར་དུ་བསྟོད་པ། ཨེ་མའོ་སེམས་དཔའ་སེམས་དཔའ་ཆེ།། ཆེ་བའི་ཆེ་བ་བྱིན་བརླབས་ཆེ།། ཏིང་འཛིན་ཆེན་པོ་སྣང་བ་ཆེ།། ཆོ་འཕྲུལ་ཆེན་པོ་སྣ་ཚོགས་ཆེ།། ཐབས་མཆོག་དཔག་གིས་མི་ལང
259b5 སྟེ།། ཆོས་ཀུན་མེ་དཔུང་འབར་བར་སྣང་།། དེ་ཉིད་ཡེ་ཤེས་གསལ་བའི་ཀློང་།། འབར་འཕྲོ་གསལ་བར་གྱུར་པ་ནི།། མུན་གསལ་དངོས་པོ་ཐམས་ཅད་བསྲེགས།། བདེ་ཆེན་དབྱིངས་སུ་ཀུན་རྫོགས་པས།། དཔའ་བོ
259b6 ཁྱོད་ཀྱིས་མཛད་པ་ལགས།། འབར་བ་ཆེན་པོ་ཨ་ལ་ལ།། གཟི་བརྗིད་ཟེར་འཕྲོ་ཨ་ལ་ལ།། མཐའ་ཡས་ཀུན་སྡུད་ཨ་ལ་ལ།། ཐམས་ཅད་སྲེག་བྱེད་ཨ་ལ་ལ།། ཟ་བྱེད་ཆེན་པོ་ཨ་ལ་ལ།། མཐའ་དང་བུད་མེད་ཨ་ལ
iiif viewer powered by OpenSeadragon
