| e-texts navigator |
| Wylie |
259a1 དཀྱིལ་འཁོར་ཚུལ་དུ་གྱུར་པ་དང་།། ནང་དུ་ལྷམ་བུ་སྲད་བུ་བརྒྱད།། ལེའུ་ཚེ་ལྡན་པ་དགུར་འགྱུར་ཏེ།། མཐའ་ཟད་སུམ་ཆར་བྱས་པ་ལ།། ཀུན་གྱི་ནང་དུ་སྲད་བུ་གསུམ།། ཕྲ་མོ་དག་གིས་མཛེས་པར
259a2 བརྒྱན།། དགུ་ཡི་ཆར་ནི་བགོས་པ་ལ།། སྒོ་དང་སྒོ་ཁྱུད་སུམ་ཆ་བྱ།། ཀ་བ་བརྒྱད་ཀྱི་མཛེས་བྱས་ལ།། རིན་ཆེན་ཀ་བའི་ནང་ལོགས་སུ།། སངས་རྒྱས་ཕོ་བྲང་དབུ་རྩེ་བྱ།། བསྡུ་བ་ཚད་མེད་རྣམ་ཐར་སྒོ།། རིམ་པ
259a3 གསུམ་གྱིས་མཛེས་པ་ལ།། རྟ་བབས་ཐེམ་སྐས་ཀྱིས་ཀྱང་བརྒྱན།། དབུས་ཀྱི་ཕོ་བྲང་ལེའུ་ཚེའམ།། འཁོར་ལོ་དཔའ་བེའུ་པདྨ་དང་། རིན་ཆེན་ཟུར་བརྒྱད་ལ་སོགས་པ།། ཇི་ལྟར་རིགས་པ་དེ་བཞིན་བྲི།། རྒྱན་ནི་རིན
259a4 ཆེན་སྣ་ཚོགས་དང་།། པཉྩ་ར་ཀ་ཏཱ་ར་ན།། ཕྲེང་བ་དང་ནི་དྲ་བས་བརྒྱན།། ཟ་ར་ཚགས་དང་ཆུན་འཕྱང་དང་།། དྲིལ་བུ་གཡེར་ཀ་ཐེའུ་ཆུང་འཕྱང་།། རོལ་མོ་སྒྲ་སྒྲོགས་ལྷ་ཡི་བུ།། མང་པོས་ཕྱི་ནང་ནམ་མཁའ་ལས།།
259a5 མཆོད་པ་སྣ་ཚོགས་འབུལ་བ་བྲི།། ཐེག་ཆེན་གདུང་བཞིས་རབ་བརྒྱན་ཏེ།། རིན་ཆེན་ཁ་བད་མཆོད་རྟེན་དང་།། རྒྱལ་མཚན་རིན་ཆེན་འོད་འབར་བས།། གཞལ་ཡས་མཛེས་པར་བརྒྱན་པ་ཡི།། ཆོས་ཀྱི་ཕོ་བྲང་ཅི
259a6 འདྲ་བར།། དེ་འདྲ་དེ་ཉིད་མཚོན་པར་བྲི།། གཞལ་ཡས་ཁང་དུ་གང་རྒྱུད་པ།། ཀུན་གྱི་མཛེས་དང་ལེགས་པར་བརྒྱན།། མཆོད་པ་བླ་ན་ཡོད་མེད་ཀུན།། ཇི་ལྟར་འབྱོར་ལྟར་ནན་ཏན་དབུལ།། རྒྱལ་སྲིད་ལོངས་སྤྱོད
iiif viewer powered by OpenSeadragon
