| e-texts navigator |
| Wylie |
258a1 ཁྱད་པར་ཡང་།། ཚོགས་ལ་ཚོགས་བསྐྱེད་སྒྲིབ་སྦྱངས་ཏེ།། བསྙེན་པ་དག་ལ་གོམས་བྱས་ནས།། བསྒྲུབས་པས་འབྲས་བུ་མཐར་ཕྱིན་པའོ།། དེ་སྐད་སེམས་དཔའ་རྡོ་རྗེ་དེས།། འདུས་པ་ཕལ་མོ་ཆེ་ལ
258a2 བཤད།། འདུས་པ་ཀུན་གྱི་དོན་མཐོང་བ།། རྡོ་རྗེ་འཛིན་པ་དེ་ལ་གསོལ།། སེམས་དཔའ་ཆེ་པོ་བདག་ཅག་གིས།། ཆོས་རྣམས་ཀུན་གྱི་རང་བཞིན་ནི།། ཐབས་ཉིད་ཤེས་རབ་ཉི་བཀོད་དང་།། ཀུན་ནས་མཉམ་དང
258a3 བཅུ་དྲུག་ཆ།། ཡི་གེ་ཚོགས་དང་འབྱུང་བའི་དབྱིངས།། གཉིས་མེད་དྲ་བར་འབྲེལ་ལ་སོགས།། རང་བཞིན་ཏིང་འཛིན་གཟུགས་བརླན་དུ།། སྣང་བར་ངེས་པར་མཐོང་ལགས་སོ།། དེ་སྐད་གསོལ་བས་དེས་གསུངས
258a4 པ།། གང་འདིར་འདུས་པའི་ཚོགས་མེད་ཀུན།། ཇི་ལྟར་མཐོང་བ་དེ་ལྟར་ཡིན། ཡེ་ནས་མ་བཅོས་ཇི་བཞིན་ཉིད།། རང་བཞིན་དཀྱིལ་འཁོར་དེ་ཁོ་ན།། དགོངས་པ་དམ་པ་ལྷུན་གྲུབ་པ།། ཏིང་འཛིན་དཀྱིལ་འཁོར
258a5 དམ་པ་ཉིད།། དེ་དག་རྩ་བ་སེམས་ཉིད་པས།། སེམས་ཅན་གཟུགས་བརྙན་དཀྱིལ་འཁོར་གསལ།། རང་བཞིན་ཏིང་འཛིན་དཀྱིལ་འཁོར་དུ།། ཐམས་ཅད་ཡེ་ནས་ཞུགས་བཀོད་རྫོགས།། དེ་ལས་ཁྱད་པར་སྐལ་ལྡན
258a6 ནི།། སྤྱོད་ཡུལ་གྱུར་པ་གཟུགས་བརྙན་ཏེ།། རས་འཇལ་ཁོད་སྙོམས་བཟང་ལ་སོགས། ཁ་དོག་ལྔ་འམ་ཉི་ཤུ་ལྔས།། མ་མཐོང་རྨོངས་ལ་བསྟེན་ཕྱིར་མཚོན།། མ་ཉམས་མཚན་མས་དེ་རངས་འགྱུར།། བསྟེན་ཞིང
iiif viewer powered by OpenSeadragon
