| e-texts navigator |
| Wylie |
257b1 ནས་སྦྱར་ཕྱིར་རིམ་བཞིན་དབུལ།། གསང་བའི་འཇུག་ཚུལ་ལ་སོགས་ཀྱིས།། གསང་བའི་དོན་རྣམས་བསྒྲུབ་པར་བྱ།། འཇུག་སྒོ་སྤྱོད་དང་ལྟ་བ་མཐུན།། ཐམས་ཅད་གཅིག་པར་གྱུར་པ་ཡི།། རྒྱུ་དང་རྐྱེན་ལྡན་ཕུན
257b2 སུམ་ཚོགས།། མཛའ་འཕྲོད་རྐྱེན་དང་དགྱེས་སྦྱོར་ལྡན།། ལྷ་དང་རིག་འཛིན་རྣལ་འབྱོར་རིལ།། མ་ལུས་ཚོགས་པས་ཆོས་འདི་སྤྱད།། སྐད་ཅིག་ཡུན་ཙམ་ཐང་ཅིག་གམ། ཡུད་ཙམ་ཉིན་གཅིག་ཟླ་རེའམ།། ལོ་ཡི་ཉི་མ
257b3 བཀྲ་ཤིས་ཀྱི།། དུས་ལ་བབ་པའི་དུས་ཆེན་དག། བྱིན་གྱིས་བརླབས་པའི་དུས་ཆེན་ཡིན།། ཇི་ལྟར་འབྱོར་པའི་ཡོད་བྱད་རྣམས།། དག་དང་མ་དག་ཁྱད་པར་གྱིས།། གཙང་མ་ཁ་ཟས་ལ་སོགས་དང་། རྣམ་རྟོག་ནད
257b4 འཇོམས་བདུད་རྩི་རྣམས།། རྒྱལ་བའི་ཚོགས་དང་འབྱུང་པོ་ལ། ཇི་ལྟར་འབྱོར་ལྡན་ནན་ཏན་བྱ།། བདག་དང་གཞན་དང་གཉིས་ཀ་དང་།། ཆོས་ཀྱི་དོན་དུ་མི་འགྱུར་བའི།། སྐྱོན་བཞི་སྤངས་ཏེ་བཟློག་ཚུལ་སྦྱར།།
257b5 རྣལ་འབྱོར་སྙིང་དང་མི་ལྟ་བུར།། གདུང་བའི་འདུ་ཤེས་ཉེར་གཞག་སྟེ།། ཇི་བཞིན་འདོད་ལྟར་བདེ་བར་སྦྱར།། ལྷ་རྣམས་མཉེས་པར་བྱ་བ་དང་།། བགེགས་རྣམས་ཞི་བར་བྱ་བ་དང་།། དོན་གྲུབ་ཤི་བ་གསོ་བའི་ཕྱིར།།
257b6 ལས་འདི་སྤྱད་པར་ཤིན་ཏུ་གཅེས།། འདི་དག་བློ་ཆུང་གསར་ཞུགས་པའི།། མདུན་དུ་བརྗོད་པར་བྱ་བའི་རིགས།། རྫས་དང་ཡོ་བྱད་ཐམས་ཅད་ཀྱང་།། ཅིས་འདུལ་དེ་ལྟར་རྩལ་དང་སྦྱར།། དེས་ན་ལས་འདི
iiif viewer powered by OpenSeadragon
