| e-texts navigator |
| Wylie |
256a1 སེམས།། རྫོགས་པར་བཅུ་དྲུག་ཟླ་རྒྱས་ཚུལ།། སྙིང་རྗེ་ཡེ་ཤེས་ཤར་བ་ན།། མཁའ་ལ་ཉི་ཤར་ཚུལ་བཞིན་དུ།། དམ་པའི་རྫོགས་པའི་རྣལ་འབྱོར་པ།། ཡང་དག་ངེས་པའི་ས་པ་ཡིན།། བཅུ་གསུམ་ལ
256a2 ལ་བགྲོད་པ་ནི།། རྡོ་རྗེ་དུས་ཀྱི་རྒྱུན་ཚོགས་སྦྱར།། སྐར་ཚོགས་དབུས་ན་ཟླ་ཉ་བ།། བཅུ་དྲུག་ཞག་གིས་རྫོགས་པ་བཞིན།། བཅུ་གསུམ་རྩལ་ཆེན་རྫོགས་པའི་ས།། བཅུ་དྲུག་ཚོགས་ཀྱི་རྫོགས་པས་ན།། བརྫེས་པའི
256a3 ཟླ་བ་བཅུ་དྲུག་གིས།། ཉི་གསལ་འོད་ཀྱི་ཕྱག་རྒྱ་ལ།། མཛེས་པར་སྤྲས་པའི་བདེ་བ་དེ།། བཅུ་དྲུག་ཚོགས་ཀྱི་རྫོགས་པ་བསྐྲུན།། རྫོགས་པ་ཉིད་ན་མི་དམིགས་པ།། དེ་བཞིན་ཉིད་དུ་སྦྱངས་པས་ན།། མཉམ་པས་སྟོང
256a4 པར་གྱུར་པ་ལ།། ཐམས་ཅད་ཆོས་སྐུར་རྫོགས་བྱང་ཆུབ།། སྡུག་བསྔལ་བྱང་ཆུབ་གཉིས་མེད་དེ།། རྨད་བྱུང་སེམས་བསྐྱེད་ལས་ཆེན་སྤྱད།། ཕྲ་མོ་དྲོད་དུ་གྱུར་པ་ན།། དམ་པ་སྤྱད་ན་ཉི་མ་འཆར།། དུས་འདི་རྒྱུན་གྱི
256a5 བར་ཆད་ན།། སྙན་པ་དག་གིས་བཟློག་པར་དཀའ།། བར་ཆད་བྱུང་ན་བསྐང་གསོ་བྱ།། མཁའ་ལ་ཟླ་གསལ་གྲ་རྒྱས་བཞིན།། ས་ལ་རྣལ་འབྱོར་གྲ་རྒྱས་སྤྱད།། གང་འདི་རྒྱས་ན་བསོད་ནམས་དང་། བསྔོ་བ་ཆེན་པོའི
256a6 ལས་རྣམས་བྱ།། དེས་ནི་ཉི་ཟླ་ཞོན་འགྲོ་བའི།། རིག་འཛིན་ས་ལ་གནས་ཕན་ཆད།། བདེ་ཆེན་བཅུ་གསུམ་ས་ལ་འགྲུབ།། གཞན་ཡང་རྒྱུན་དུ་བྱ་བ་ནི།། ཆོས་ཀུན་རྒྱལ་བའི་རང་བཞིན་ཏེ།། རྒྱལ་བ་སྐུ་གསུང་ཐུགས
iiif viewer powered by OpenSeadragon
