| e-texts navigator |
| Wylie |
255b1 ཐབས་ཀྱི་ཞོགས་སྦྱོར་ལྟར།། གང་དག་རྣལ་འབྱོར་མར་ལྡན་རྣམས།། རྡོ་རྗེ་འཛིན་མ་ལ་སོགས་པ།། ལྷ་མོ་ཚོགས་སུ་བཀོད་ནས་ཀྱང་།། གནས་འདིར་འཇུག་དགའ་ལ་སོགས་པ།། ཐབས་ཀྱི་ཕྱག་རྒྱ་མཚན་མར
255b2 སྦས།། རྡོ་རྗེ་མཉམ་པའི་གསུངས་རྣམས་ལ།། མཉམ་པའི་མཚོན་པས་མཉེས་པར་བྱ།། བྲོ་གར་གླུ་ཚིག་ལ་སོགས་པས།། རི་འཛིན་རྣལ་འབྱོར་མ་རྣམས་བསྒྲུབ།། གཞན་ཡང་དུས་བཞི་མཉམ་རིག་ན།། དུས་ཞེས་བྱ
255b3 བ་ག་ལ་རིགས།། དུས་བཞི་མཉམ་པར་རབ་ཤེས་ན།། དེ་ཉིད་མཉམ་པའི་རང་བཞིན་ནོ།། རྡོ་རྗེ་ལྷ་མོ་དུས་ཀྱི་ཚོགས།། འདས་དང་ད་ལྟར་བྱུང་བ་དང་། མི་འབྱུང་མ་ངེས་ཆ་རྣམས་ལ།། དབང་གྱུར་མཉམ་པའི་རྒྱལ
255b4 མོ་རྣམས།། འཇིག་དང་སྐྱེ་དག་སྨིན་པ་དང་། སྟོངས་པར་གྱུར་པ་དེ་དག་ཏུ།། རྡོ་རྗེ་རྣམ་ཐར་ཚད་མེད་དང་།། སེམས་དང་དེ་བཞིན་མཉམ་པ་ཡི།། ཤེས་རབ་འཁོར་དང་དམ་པའི་དཀྱིལ།། ཇི་ལྟར་རིམ་པར་རྡོ་རྗེ
255b5 ཡིས།། གླུ་གར་ལ་སོགས་ཡོ་བྱད་ཀྱིས།། མཆོད་དང་འཇུག་ཚུལ་ཇི་ལྟ་བར།། ཆ་རྣམས་དུས་ལས་མི་འདའ་བར།། ལྷ་ཡི་ཉི་མ་རྣམས་ལའོ།། བདེ་བ་ཆེན་པོ་ལ་སོགས་པ།། ཚོམ་བུའམ་ཡང་ན་ཕྱག་རྒྱ་རྣམས།། སྤྱིར
255b6 རམ་རེ་རེར་སྦྱར་བར་བྱའོ།། འདས་པ་རྣམ་ཐར་ཚོགས་བསྐྲུན་ཏེ། ད་ལྟར་འབྱུང་དང་མི་འབྱུང་ལ།། ཚད་མེད་སེམས་དང་རྣམ་ཐར་བསྐྲུན།། དེ་ནི་མཉམ་པའི་རྒྱལ་པོར་འགྱུར།། གཞན་ཡང་རྣལ་འབྱོར་བྱང་ཆུབ
iiif viewer powered by OpenSeadragon
