| e-texts navigator |
| Wylie |
255a1 མཉེས་ནས་རྒྱུད་སྦྱངས་འདོད་པར་བྱ།། སྣོད་དུ་རུང་བའི་སློབ་མ་དག། དབང་མཁྱེན་ལ་སོགས་བྱ་བ་ཡིས།། འཇུག་ཚུལ་དབང་དང་དངོས་གྲུབ་སྩོལ།། རྡོ་རྗེ་ཐ་ཚིག་རྣམས་ལྔ་ཡིས།། བསླབ་པའི
255a2 གཉེན་རྣམས་ཅི་རིགས་པར།། རྩལ་གྱིས་རྣམ་པར་བྱིན་ནས་ཀྱང་།། རྡོ་རྗེ་གལ་ཆེན་མནའ་བོར་རོ།། དེ་ནས་སྒྲུབ་པ་ཆེ་ཆུང་རྣམས།། ཇི་ལྟར་འདོད་པ་ནན་ཏན་གྱིས།། རྡོ་རྗེ་རྣལ་འབྱོར་དཀའ་བྱའོ།། མི་ནུས་ལ
255a3 སོགས་མི་སྣང་བའི།། རྡོ་རྗེའི་ཚིག་གིས་ནན་ཆགས་བྱ།། རྨོངས་པ་གང་ཕྱིར་སེམས་བསྐྱེད་དེ།། ངོ་མཚར་ཚིག་གི་འདུ་ཤེས་བསྒྱུར།། ཤེས་རབ་མིག་ཅན་ཤེས་བྱའི་ཡུལ།། ཐམས་ཅད་རིམ་བཞིན་བསྟན་པར་བྱ།།
255a4 དྲོད་ཅན་བློ་དཀྱིལ་ཆེ་རྣམས་ལ།། རྣལ་འབྱོར་ནང་པར་གསང་སྒོ་དབྱེ། རྩིང་པོ་འགྲོས་ཀྱི་དམུ་རྒོད་ལ།། གཅན་འཕྲང་འཁོར་བའི་གཡེང་རྣམས་བསྟན།། རྡོ་རྗེ་ལུང་གི་ཚིག་ཅན་ལ།། ཇི་ལྟར་ནུས་པ་དེ་དབང་བསྐུར།།
255a5 རྩལ་མེད་མི་ནུས་གང་དག་ལ།། ཕན་པ་འབའ་ཞིག་བསྔགས་པ་ཡིན།། གནས་འདིར་གསལ་དག་མི་གསལ་དག། འོད་མི་དབབ་ཅིང་ལྡིག་མི་དབབ།། རྡོ་རྗེ་བློ་ཡི་ཡུལ་ཅན་ལ།། རྩལ་ཆེན་སྦྱོང་ཞེས་གདམ་པར་བྱ།།
255a6 རྡོ་རྗེ་འདུས་པའི་དབང་གྲལ་དུ།། རྡོ་རྗེ་དོན་གྱི་ལྟར་ཆེན་བཤེར།། རྩལ་དང་རིམ་པ་ཁྱད་པར་དབྱེ།། སོ་སོའི་རིགས་ཀྱི་ཕྱག་རྒྱ་དག། སྤྱིའམ་ཡང་ན་རེ་རེའོ།། གཞན་ཡང་ཤེས་རབ་གཟུངས་ཀྱི་ཚོགས།། ཇི་ལྟར
iiif viewer powered by OpenSeadragon
