| e-texts navigator |
| Wylie |
254b1 དངོས་པོ་སྦྱོང་བའོ།། གྲོགས་པོ་དག་རྒྱུད་ཡོངས་སུ་སྦྱང་བ་ནི་བཀོད་པ་བྱ་བས་སྦྱང་བ་དང་། མེའི་བྱ་བས་སྦྱང་བའོ།། དེ་ལ་བཀོད་པའི་བྱ་བས་སྦྱང་བ་གང་ཞེ་ན། བརྩམས་པ་ལས་ཀྱི་དང་པོ་དང་།། དམ་པའི་དོན
254b2 ལ་འཇུག་པ་ན།། ཐབས་མཆོག་ལྔས་ནི་སྦྱང་བར་བྱ།། རྡོ་རྗེ་དུས་ཚིགས་བསྙེན་པ་དང་།། གང་འདིར་ཉེ་བར་བསྒྲུབ་པ་དང་། སྒྲུབ་པོ་ཆེན་པོས་སྦྱོར་བ་ལ།། གྲགས་དུས་མཚན་མར་བཅས་པར་བྱ།། རྣལ་འབྱོར
254b3 བཅད་པའི་བཀའ་སྒོ་འདིར།། གསང་གོ་མི་དབྱེ་སྐྲག་པར་འགྱུར།། ཅི་ཕྱིར་དང་པོ་ཡིན་པས་ན།། བྱིས་པ་བློ་ཤེད་མ་བྱེ་བ།། མ་ངེས་ལྡོག་འཇུག་བཅས་པ་ཡིས།། ཐེག་ཆེན་དོན་ལས་གོ་བར་འགྱུར།། གནས་འདིར
254b4 འཇུག་པའི་བྱིས་པ་དག། འཇིག་རྟེན་དྲུག་ལས་དྲངས་ནས་ཀྱང་།། འགྱུར་དབང་མ་ངེས་སར་བཞག་སྟེ།། ཇི་ལྟར་འཚམ་པར་བདེ་ཐབས་སྦྱར།། རྡོ་རྗེ་ཐབས་ཆེན་ཚོམ་བུ་ལྔ།། རྡོ་རྗེ་འཛིན་ཚོགས་བཅུ་དྲུག་ལྡན།།
254b5 དབྱིངས་ཀྱི་དཀྱིལ་འཁོར་རྡོ་རྗེ་ཅན།། བྲི་བྱ་ཡང་ན་བསམ་པའམ།། བརྗོད་དམ་དངོས་སམ་མཚན་མ་ལ།། འཇིག་རྟེན་དབང་པོ་ཆོས་ལུགས་ཀྱིས།། མོས་པ་ལ་བསྐྱེད་དྲན་བྱས་ཏེ།། རང་བཞིན་ཡུལ་ལས་ཕན་ནས
254b6 ནི།། ཕྱག་བྱ་ལ་སོགས་མཆོད་ན་ནི།། རྡོ་རྗེ་དམན་དང་རྩིར་སྦྱར་བ།། ཡོ་བྱད་ཆེན་པོ་ལ་སོགས་པས།། རྡོ་རྗེ་ཐབས་ཀྱི་ཚོགས་ལ་དབུལ།། རྡོ་རྗེ་རྣལ་འབྱོར་གླུ་བླངས་ཏེ།། མཉེས་བྱས་ལས་གྲུབ་གྲངས་རྫོགས་ནས།
iiif viewer powered by OpenSeadragon
