| e-texts navigator |
| Wylie |
254a1 བཤད་རལ་གྲི་མཚོན་ཆ་དང་།། རོ་ཡི་འགོ་བོ་བཅད་པ་དེས།། ཇི་ལྟར་འདོད་པའི་རྫས་འགྲུབ་སྟེ།། མགོ་ཟོད་གོ་ཆར་བཟུང་ནས་ནི།། ལྕེ་ཡི་རལ་གྲི་མཚོན་ཐོགས་ནས།། ལྷ་མིན་གཡུལ་ཡང་ལྡོག་པར
254a2 འགྱུར།། རོ་ལངས་གྲུབ་པའི་རྐང་འགྱོགས་ནི།། དཔག་པའི་ཚད་ལས་འདས་པ་སྟེ།། སྐྱེས་བུ་རྩལ་དང་ལྡན་པ་ཡིས།། ཕྱོགས་བཞིར་བལྟས་ཏེ་དུས་གཅིག་ཏུ།། མདའ་འཕངས་ས་ལ་མ་བབས་པས།། མཐའ་བླངས
254a3 སྐད་ཅིག་འཇིག་རྟེན་བསྐོར།། སྐྱེས་བུ་ལག་ཚོད་མ་ཡལ་བར།། དེ་མ་ཐག་ཏུ་གནས་སུ་སླེབས།། ཡུད་ལྟར་ཤིན་ཏུ་མྱུར་བ་འཐོབ།། དེ་ལ་སོགས་པ་མཐའ་ཡས་པ།། རོ་ལ་འདོད་པ་ཐམས་ཅད་འབྱུང་།། རོ་ལ་རོར
254a4 བསྒྲུབ་རོ་གྲུབ་ན།། རོ་ཡི་དངོས་པོ་མི་སྣང་བར།། གང་ལྟར་བསྒྲུབས་པ་དེ་སྣང་ཕྱིར།། རོལ་ལ་རྣམ་རྟོག་ག་ལ་ཡོད། རོ་ལ་རོ་ཡི་རང་བཞིན་དག། མེད་པར་ཤེས་པས་ཐག་ཆོད་བཞིན།། སྤྱོད་པས་དེ་ལྟར་མཉམ
254a5 སྤྱད་ན།། ལྟ་སྤྱོད་མཉམ་ཞེས་དམ་པས་བཤད།། འདི་ནི་ཤི་བ་སློང་བ་ཡི།། བདུད་རྩི་དམ་པའི་སྤྱོད་པའི་ཞེས།། དགོགས་པ་དམ་པའི་ཀུན་འདུས་གསུངས།། གྲོགས་པོ་དག་དེ་དག་ནི་ཤི་བ་སློང་བའི་རྟོགས་པ
254a6 ཡོངས་སུ་སྤྱོད་པར་ཤེས་པར་བྱའོ།། གྲོགས་པོ་དག་དེ་ལ་སྦྱོང་བའི་སྤྱོད་པ་གང་ཞེ་ན། འདི་ལྟ་སྟེ། རྟོགས་པའི་ཟུག་རྔུ་སྦྱང་བ་དང་། རྒྱུད་ཡོངས་སུ་སྦྱང་བའོ།། དེ་ལ་རྟོགས་པའི་ཟུག་རྔུ་སྦྱང་བ་ནི་གང་རྟོགས་པའི
iiif viewer powered by OpenSeadragon
