| e-texts navigator |
| Wylie |
253b1 རྒྱལ་པོ་ཐབས་ཀྱིས་འཕང་མཐོ་བའི།། ལོངས་སྤྱོད་ཆེ་ལ་དམིགས་བཅས་ཀྱང་།། དེ་དག་མི་འཐོབ་འཚོ་བྲལ་ཞིང་།། སྐལ་ལྡན་ཅན་གྱི་དོན་འདི་དག། སྐལ་ཞན་དག་གིས་འགྲུབ་པར་དཀའོ།། དེ་ཕྱིར་དགོངས་པ
253b2 ཀུན་འདུས་ལ།། གང་འདིར་རྣལ་འབྱོར་དམན་དོན་དུ།། གསོ་དང་སྦྱོང་བའི་སྤྱོད་པ་དག། དམན་པ་དག་དང་མཉམ་པར་གསུངས།། གསོ་དང་བསླང་བའི་རྟོག་པ་འདི།། རྟོག་པ་ཅན་དང་མཐུན་པར་སྤྱད།། གསོ་བ
253b3 རྟོག་པ་ཟིན་པའི་ནད།། ལྟ་སྤྱོད་ཉམས་པའི་སྨན་གྱིས་གསོ།། ཤི་བསླང་བ་ཡི་རྟོག་པ་འདི། ཁམས་གསུམ་འཁོར་བའི་ནད་པ་རྣམས།། རྟག་ཆད་མཐར་ཤི་རོ་གླིང་ནས།། གཏི་མུག་བམ་ཆེན་རོ་བླངས་ཏེ།། སྐྱེ་འགག
253b4 མེད་པར་བླང་བའི་ཕྱིར།། རོ་ལ་ཡིད་བཞིན་ནོར་བུ་ཡི།། སྔགས་ཀྱིས་བཏབ་སྟེ་གནོན་པར་བྱ།། རོ་ཡི་གཉེན་པོར་བདག་གྱུར་ནས།། རོ་སྔགས་རྒྱུན་མི་འཆད་པར་བཟླས།། རོ་ཡི་གཟི་བྱིན་བྱུང་བ་ན།། བར་ཆད
253b5 མེད་པའི་བརྩོན་འགྲུས་བྱ།། རོ་དེ་འགུལ་བར་གྱུར་པ་དང་། གང་གི་འགྱུར་རྩིས་བྱུག་པར་བྱ།། རོ་ཡི་ཡན་ལག་ཀུན་བཅིངས་ནས།། བཟླས་པ་དྲང་པོ་རྒྱུན་མི་གཅད།། གང་དེར་ལངས་པར་གྱུར་པ་དང་། ཆོ་འཕྲུལ
253b6 འཇིགས་ཚལ་སྟོན་པར་བྱེད།། བརྟུལ་ཞུགས་ལྡན་པའི་སྐྱེས་བུ་ཡིས།། དེ་ཚེ་རོ་ཡི་ལྕེ་བཅད་པས།། རོ་ལ་བརྡབས་ན་གསེར་དུ་འགྱུར།། དེ་བཞིན་ཇི་ལྟར་འདོད་པ་ཡི།། རྐྱེན་གྱིས་བསྒྱུར་ན་དེ་ལྟར་འགྱུར།། ལྕེ
iiif viewer powered by OpenSeadragon
