| e-texts navigator |
| Wylie |
253a1 རྒྱལ་པོ་དེ་ཡང་ཁྱད་པར་གྱིས།། དབང་སྒྱུར་བྱ་བའི་ཁམས་རྣམས་ལ།། ཆེ་ཆུང་རིམ་པ་ཡོད་པ་བཞིན།། རྣལ་འབྱོར་སྔགས་ཚུལ་དེ་ལྟར་སྣང་།། ཐབས་ཆེན་སྤྱོད་ལ་འཇུག་པ་ཡང་།། བབ་ཚོད་ཐད་དུ
253a2 འཇུག་པ་སྟེ། དཔེར་ན་གླང་ཆེན་ཆུར་འཇུག་པ།། རབ་དང་གླང་ཆེན་བབ་མི་ལྟ།། དེ་ཡང་རྩལ་སྒྱིད་དྲག་ཞན་གྱིས།། ལ་ལ་ཐད་དུ་གཅོད་པ་ལ།། ལ་ལ་ཆུ་ཡི་གཞོལ་ཕྱོགས་སོ།། དེ་ལྟར་རྣལ་འབྱོར་སྤྱོད་འཇུག་པ།།
253a3 འབྲས་བུ་དྲན་ལ་བབ་གཅོད་ཀྱང་།། རྩལ་འཕང་མཐོ་དམན་ཁྱད་པར་གྱིས།། ཇི་ལྟར་ནུས་ཚད་དེ་སྤྱོད་ཕྱིར།། ས་དང་གནས་སྐབས་ཡེ་ཤེས་དང་།། སྒྲིབ་དང་གོལ་ས་རྟོག་པ་དང་།། སྤྱོད་དང་དམ་ཚིག་ཏིང་འཛིན
253a4 དང་།། དུས་དང་དངོས་གྲུབ་མཐར་ཕྱིན་དང་། ལྟ་བའི་ཁྱད་པར་གནས་གྱུར་ནས།། ཐམས་ཅད་གཅིག་ལས་མེད་ན་ཡང་།། གྲངས་སམ་དབྱེ་བ་གྲགས་ཕྲག་རྣམས།། སྣོད་ཀྱི་རྩལ་དང་སྦྱངས་ནས་ནི། ཁྱད་པར་ཅི
253a5 ཡང་བསྟན་པ་ཡིན།། དེ་ཡང་རྩལ་གྱི་ཁྱད་པར་གྱིས།། དང་པོ་ལས་ཀྱི་ཁྱད་པར་ལས།། སོགས་པའི་རྣལ་འབྱོར་ཆུང་ངུ་རྣམས།། རང་རང་རྩ་བ་བོར་ནས་ནི།། རྩལ་ཆེན་རྫོགས་པའི་རྣལ་འབྱོར་ལ།། སོགས་པའི
253a6 རྣལ་འབྱོར་ཆེན་པོའི་ཚུལ།། སྤྱོད་པར་བྱེད་དང་དོན་འདོད་པ།། སྦལ་བུས་མཁའ་ལྡིང་ལས་སྤྱད་ཀྱང་།། བཙལ་བའི་ཡུལ་ནི་ཆད་མ་ཡིན།། ནོར་བུ་ལས་ཀྱི་འཕང་དམས་པ།། རང་སྐལ་འཚོ་བའི་ཚོད་བོར་ནས།།
iiif viewer powered by OpenSeadragon
