| e-texts navigator |
| Wylie |
252b1 ཅད་འདུ་བར་བྱ་བ་ཡོངས་སུ་བགྲོས་པར་ཤེས་པར་བྱའོ།། དེ་སྐད་ཅེས་སྨྲས་པས། དམན་པ་དམ་པ་དག་ལུང་དམ་པ་བསྟན་པའི་དྲོད་ཐོབ་པར་གྱུར་ཏོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས
252b2 རྣལ་འབྱོར་དམ་པ་ལུང་བསྟན་པའི་ལེའུ་ཞེས་བྱ་སྟེ་བདུན་ཅུ་པའོ།། །། དེ་ནས་ཡང་གསང་བ་པའི་བདག་པོ་དེས་དམན་པའི་ལུས་ཀྱི་སེམས་དཔའ་རྣམས་ལ་སྨྲས་པ། ཀྱེ་གྲོགས་པོ་དག་ལ་དོར་བར་བྱ་བ་ནི་འདི
252b3 ལྟ་སྟེ། གང་གོ་ཆ་གྱོན་པའི་རྗེས་སུ་མི་ལྡོག་པར་འགྲོ་བ་སྟེ། འདི་ལྟར་ཇི་བཞིན་པའི་རྗེས་སུ་ཇི་སྙེད་པ་འགྲོ་བ། ནམ་མཁའི་རྗེས་སུ་འབྱུང་བ་འགྲོ་བ་བཞིན་སེམས་ཉིད་ཀྱི་རྗེས་སུ་སེམས་ལས་བྱུང་བ་འགྲོ་བ་ཡིན།།
252b4 ཆོས་ཉིད་ཀྱི་རྗེས་སུ་ཆོས་ཐམས་ཅད་འགྲོ་བ་ཡིན།། དེ་བཞིན་དུ་དགོངས་པ་དམ་པའི་རྗེས་སུ་གང་གསུང་བ་དང་། གང་མཛད་པ་ཐམས་ཅད་འགྲོ་བས་ན། དགོངས་པ་ཀུན་ནས་འདུས་པ་ཇི་ལྟར་བཤད་པ་བཞིན་དུ
252b5 གང་དུ་སྤྱོད་པ་དེ་ལྟར་རོ།། ཀྱེ་གྲོགས་པོ་དག་དེ་ཡང་འདི་ལྟ་སྟེ། མཉམ་དང་མི་མཉམ་མི་མཉམ་མཉམ།། ཀུན་ནས་མི་མཉམ་ཡོངས་སུ་མཉམ།། གསང་སྔགས་སྤྱོད་པའི་ཁྱད་པ་ཡང་།། གང་དང་དོན་གྱི་མཉམ་པར
252b6 སྤྱད།། བྱིན་གྱིས་བརླབས་ཀྱིས་སྤྱོད་པའམ། དབང་སྒྱུར་ཐབས་ཀྱི་སྤྱོད་པ་སྟེ། དཔེར་ན་ནམ་མཁའི་རྒྱལ་པོའམ།། ཇི་ལྟར་མེ་དཔུང་ཆུ་བོ་འདྲ།། དེ་ཡང་དེ་ཡུལ་ཆེ་ཆུང་གིས།། ཁྱད་པར་ཉིད་ཀྱིས་བརླབས་པ་ཡིན།།
iiif viewer powered by OpenSeadragon
