| e-texts navigator |
| Wylie |
251a1 ཚུལ་དང་། ཆེ་བ་དང་། རོལ་པ་དང་། རྔོམ་པ་དང་། བརྗིད་པ་དང་། མཐུ་དང་། ཆོ་འཕྲུལ་དང་། ཡོངས་སུ་རྫོགས་པའི་རྣམ་པ་དག་དགོངས་པ་དམ་པ་དེ་ཁོ་ན་ཉིད་མཐར་ཕྱིན་ཅིང་ཕུལ་དུ་གྱུར་པར
251a2 བྱའོ།། དེ་ཡང་ཇི་ལྟར་ཞེ་ན། གྲོགས་པོ་དག་འདི་ལྟ་སྟེ། ཇི་ལྟར་མཐོན་རི་རྩེ་དག་ལ།། སྒྱིད་མི་ལུག་པར་བརྩོན་འཛེགས་ན།། མཐོན་སར་སྣང་མཐོང་ཀུན་གསལ་བས།། ཐམས་ཅད་ཀུན་སྣང་ལམ་ལ་མཁས།། དེ
251a3 བཞིན་ཤེས་རབ་མཐོན་རི་ལ།། བརྩོན་པ་དམ་པས་ཀུན་བལྟས་ན།། ཀུན་གྱི་ཕུལ་དུ་ཤེས་རབ་ཕྱིན། མཁས་པའི་ཡེ་ཤེས་ཚད་མེད་དོ།། དོན་ལ་མཁས་པར་བྱ་བ་སྟེ།། ཕུལ་དུ་བྱུང་བའི་བསླབ་པ་སྟེ།། དགོངས་པ
251a4 དམ་པ་དེ་ཉིད་ལ།། མཁས་པར་བྱ་བར་རབ་ཏུ་གཅེས།། གྲོགས་པོ་དག་དེ་དག་ནི་མཐར་ཕྱིན་པར་བྱ་བ་རབ་ཏུ་ཤེས་པར་བྱའོ།། དེ་སྐད་ཅེས་སྨྲས་པས།། དམན་པའི་ལུས་སེམས་དཔའ་རྣམས་ཀུན་གྱི་ཕུལ་དུ་གྱུར་པར
251a5 དགོངས་པ་དམ་པ་དེ་ཁོ་ན་ཉིད་ལ་བཟོད་པ་ཐོབ་པར་གྱུར་ཏོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་བསམ་གྱིས་མི་ཁྱབ་པར་བསྟན་པའི་ལེའུ་ཞེས་བྱ་སྟེ་དྲུག་ཅུ་དྲུག་པའོ།། །། དེ
251a6 ནས་ཡང་གསང་བ་པའི་བདག་པོས་དམ་པ་རྣམས་ལ་སྨྲས་པ། གྲོགས་པོ་དག་ཐམས་ཅད་དུ་འདུ་བར་བྱས་པ་ནི་འདི་ལྟ་སྟེ། བྱ་བ་དང་། རང་བཞིན་དང་། བསྒྱུར་བས་སོ།། གྲོགས་པོ་དག་དེ་ལ་བྱ་བ་ནི་བསྡུ་བའི་བྱ
iiif viewer powered by OpenSeadragon
