| e-texts navigator |
| Wylie |
24a1 མེད་པའི་ཕྱིར་མ་བྱས་པའོ།། གཞི་ཇི་བཟིན་པའི་ཕྱིར་མ་བཅོས་པའོ།། གང་མེ་པ་ལས་རྒྱུན་དུ་འབྱུང་ཞིང་ཡུལ་ཐ་དད་ལ་འགྲོ་བ་ལེགས་པ་དང་། ཉེས་པ་དང་། གཉིས་ཀ་མ་ཡིན་པ་སྣ་ཚོགས་འབྱུང
24a2 བ་སྟེ་གང་དེ་ཉིད་ནི་ནམ་མཁའ་ལྟ་བུའོ།། དེ་རྒྱུན་ནི་འབྱུང་བ་སྟེ། སྤྲིན་དང་ཁུག་རླངས་དང་འཇའ་ལན་ལ་སོགས་པ་ལྟ་བུའོ།། ཡང་དྲིས་པ་གསང་བ་པའི་བདག་པོ་དེ་ལ་ཅིའི་ཕྱིར་རྡོ་རྗེ་སེམས་དཔའ་ཞེས་བགྱི།།
24a3 སྨྲས་པ་ལང་ཀའི་བདག་པོ་དེ་ཁོ་ལ་ཉིད་ཇི་བཞིན་པ་དེ་ནི་ཐམས་ཅད་ནས་ཐམས་ཅད་དུ་གཉེན་པོ་མེད་པ། འཕོ་འགྱུར་མེད་པ། སྐྱེ་འགག་མེད་པ། དེ་ཁོ་ན་ཉིད་སེམས་རང་རིག་པ། དགོངས་པ་ངེས་པར་འགྲེལ་པ
24a4 ལས་ཆོ་འཕྲུལ་སྣ་ཚོགས་འབྱུང་བའི་དངོས་པོ་མེད་པ་ཉིད་དུ་བཅོམ་པའི་ཕྱིར་རྡོ་རྗེ་སེམས་དཔའ་ཞེས་བྱའོ།། ལང་ཀའི་བདག་པོ་དེ་ལ་ནི་བླ་ན་མེད་པའི་བྱང་ཆུབ་ཀྱི་སེམས་ཞེས་ཀྱང་བྱའོ།། ཆོས་རྣམས་ཀྱི་ཆོས་ཉིད
24a5 དེ་བཞིན་ཉིད་ཅེས་ཀྱང་བྱའོ།། སེམས་ཀྱི་སྟོང་པ་ཉིད་ཅེས་ཀྱང་བྱའོ།། མཐའ་ལས་འདས་པ་ཞེས་ཀྱང་བྱའོ།། དབུ་མར་མི་དམིགས་པ་ཞེས་ཀྱང་བྱའོ།། སངས་རྒྱས་ཀུན་གྱི་དངོས་གཞི་ཞེས་ཀྱང་བྱའོ།། སྤྲུལ་པ་ཀུན
24a6 གྱི་འབྱུང་གནས་ཞེས་ཀྱང་བྱའོ།། སངས་རྒྱས་ཀུན་གྱི་དགེ་བའི་བཤེས་གཉེན་ཞེས་ཀྱང་བྱའོ།། ཞིང་ཁམས་ཀུན་གྱི་སྒྲོན་མ་ཞེས་ཀྱང་བྱའོ།། ཐུགས་རྗེ་ཐབས་ཀྱི་འབྱུང་གནས་ཞེས་ཀྱང་བྱའོ།། ཆོས་ཐམས་ཅད་ཀྱི
iiif viewer powered by OpenSeadragon
