| e-texts navigator |
| Wylie |
249a1 འཇུག་སྤྱོད་པ།། འདོད་པའི་ཡུལ་ལ་ཞེན་སྤོང་དང་།། སྤྱོད་སྐུར་ཤེས་རྟོགས་སྤྱོད་དབང་བྱེད།། ཤེས་པ་འཇིག་རྟེན་རྟོག་འཕགས་པ།། སྤྱོད་པ་བློ་ལྡན་དབང་སྒྱུར་ཐབས།། གང་འདིའི་སྣོད་ཀྱང་བཞིར
249a2 གཟིགས་ཏེ།། ཞེན་ཆགས་ལོག་སྲེད་རིགས་རྒྱུད་ཅན།། བློ་གྲོས་ཅན་གྱི་སྣོད་རྣམས་ལ།། བསྟན་བྱ་རྣམ་པ་བཞིར་གསུངས་པ།། འདོད་རྐྱེན་བཀྲི་དྲུང་བརྒྱུད་པའི་ཚིག། ལྡེམ་དགོངས་དོན་དམ་ངེས་པ་བཞིན།། སྣོད
249a3 ཀྱི་རྐྱེན་དང་སྦྱར་བ་ཡིན།། འདི་ཀུན་ཤེས་བྱའི་གཞི་གཅིག་ལ།། འདོད་པས་མཐོང་བ་ཐ་དད་པའོ།། འདི་ལྟར་མཐོང་སྒོ་ཐ་དད་བཞིན།། རྣམ་པར་སྣང་འབྱུང་བཀོད་པ་ལ།། གང་གིས་ཀུན་ལ་ཞུགས་བལྟས་ནས།།
249a4 གཅིག་ཏུ་འབེབས་པ་དམ་པའོ།། ཇི་ལྟར་བུང་བ་ཁུང་ཚོལ་བ།། ཀུན་ཏུ་འཇུག་ཅིང་བྱུང་ནས་ནི།། རང་གི་གསེར་ཁུང་གང་ཡིན་པར།། ངེས་པར་འཇུག་ཅིང་གནས་པ་ལྟར།། རྣལ་འབྱོར་དོན་གྱི་རྗེས་ཚོལ་བ།། སྤྱོད
249a5 སྒོ་ཅི་ཡོད་བསྟུན་ཏེ་བསྡུ།། ལྷ་སྒོར་འཇུག་ཅིང་བརྟགས་བསྡུར་ནས།། དོན་དམ་ངེས་པའི་གསང་ཉིད་ལའོ།། དེ་ཉིད་དོན་གྱི་རྗེས་གཅད་ཕྱིར།། སྒོ་མོ་ཀུན་ནས་བསྡུར་བ་ཡི།། བསླབ་པར་བྱ་བའི་ཐབས་ཡིན་ཏེ།།
249a6 གོམས་པར་བྱ་བ་རབ་ཏུ་གཅེས།། ལང་ཀའི་བདག་པོ་དེ་དག་ནི་ཕྱིས་འབྱུང་བ་སྣང་བའི་ཡོངས་སུ་དབྱེ་བ་ཡིན་ཏེ།། ཀུན་ནས་བསྡུར་བར་བསླབ་པའི་མཐའ་ཡོངས་སུ་བགྲོས་པར་ཤེས་པར་བྱའོ།། དེ་སྐད་ཅེས་སྨྲས
iiif viewer powered by OpenSeadragon
