| e-texts navigator |
| Wylie |
247b1 ཀུན་ནས་བཀྲིས་པའི་མུན་པ་ཡིན།། འདུ་ཤེས་ཅན་བཞི་ཆགས་པ་དང་།། གང་ལ་གཡེང་དང་ཡང་ཅན།། མོས་པ་ཅན་ཞེས་གྲགས་པ་རྣམས།། ས་བོན་འཛིན་པའི་ཞིང་དུ་སྣང་།། ལོག་པར་རྟོག་འདི་ཡ་མཚན་ཅན།།
247b2 བརྒྱ་ཕྲག་གསུམ་དང་དྲུག་ཅུ་གཉིས།། ཉིར་ཤུའམ་བཅུ་སྟེ་ལྔ་གཉིས་དང་།། ཐ་དད་རྣམ་པ་དུ་མར་སྣང་།། ཡོ་བྱད་མེད་པའི་ཕྱོགས་འཛིན་ལས།། འཇིག་པའི་ཚོགས་དང་མཐར་འཛིན་དང་།། ལོག་པར་འཛིན་དང
247b3 ལྟ་ཁྱད་དང་།། རང་གི་བརྟུལ་ཞུགས་མཆོག་འཛིན་ཏེ།། རིགས་མི་མཐུན་པ་སྡེ་ལྔར་གྲགས།། རང་བཞིན་ལོག་པས་ལོག་པ་ཉིད།། གཞན་རྐྱེན་ལོག་པ་ཕྲ་མེད་སྤྱོད།། ལུང་ལ་བརྟེན་དང་རྟགས་ཙམ་འཛིན།། བཅོས
247b4 མར་སྤྱོད་དང་མུ་ཅོར་སྨྲ།། ལུང་གི་ཕྱོགས་ཙམ་བརྟེན་པ་དང་།། ཕྱོགས་ལོག་གོལ་དང་བསླང་བས་འཚལ།། ཕྱོགས་ལྟོས་གཙེས་པ་རྣམ་བཞིར་གྲགས།། བཅོས་མ་གཞན་ལས་གྱུར་པ་དང་། འདི་ལས་གྱུར་པ་གཉིས
247b5 ཁོ་ན།། གནས་དང་འཁོར་དང་ཡོ་བྱད་ནོར།། ལོངས་སྤྱོད་ལྔ་ལྡན་གཞན་ལས་གྱུར།། དྲན་པ་རྟག་ལྟ་ལྟོས་འཛིན་རྒྱུ།། མེད་པའི་མཐའ་དང་མཐའ་མེད་ཤེས།། ཀུན་ནས་རྣམ་པར་མི་གཡེང་ལྟ།། གོང་དུ་ཤེས་པ་ཡོད
247b6 སྒྲསྨྲ་ལྟ།། དེ་བཞིན་མེད་པར་ལྟ་བ་དང་།། འདི་གང་འདི་ལས་གྱུར་ལྟ་བ།། གང་དུ་ཡོད་མིན་མེད་མིན་ལྟ།། བདག་ཤི་འདི་ཚེ་མྱ་ངན་འདས།། གང་འདིར་ཕྱོགས་ཙམ་བརྟེན་པ་ནི།། གང་མ་ཡིན་པ་མ་ཡིན་ཉིད།།
iiif viewer powered by OpenSeadragon
