| e-texts navigator |
| Wylie |
247a1 འགྲོ་བའི།། མདུད་པའི་བཅིངས་པ་འགྲོལ་བ་སྟེ།། རྒྱུད་རྣམས་གྲོལ་བའི་བསླབ་པ་རུ།། གོམས་པར་བྱ་བ་རབ་ཏུ་གཅེས།། ལང་ཀའི་བདག་པོ་དེ་དག་ནི་རྒྱུད་ཡོངས་སུ་དགྲོལ་བའི་བསླབ་པའི་མཐའ
247a2 ཡོངས་སུ་བགྲོས་པར་ཤེས་པར་བྱའོ།། དེ་སྐད་ཅེས་སྨྲས་པས་དམན་པའི་ལུས་ཀྱི་སེམས་དཔའ་རྣམས་དཔག་ཏུ་མེད་པའི་སངས་རྒྱས་རྣམས་སློབ་དཔོན་དམ་པ་བསྐྲུན་པར་ཤེས་པར་གྱུར་ཏོ།། སངས་རྒྱས་ཀུན་གི
247a3 དགོངས་པ་འགུས་པའི་མདོ་ཆེན་པོ་ལས་བསྙེན་བཀུར་དམ་པ་མཆོག་གི་ལེའུ་སྟེ་དྲུག་ཅུ་བདུན་པའོ།། །། དེ་ནས་ཡང་གསང་བ་པའི་བདག་པོ་དམ་པའི་ལུས་ཀྱི་བྱང་ཆུབ་སེམས་དཔའ་རྣམས་ལ་སྨྲས་པ། ཀྱེ
247a4 གྲོགས་པོ་དག་སྒོ་དབྱེ་བར་བྱ་བ་ནི་འདི་ལྟ་སྟེ། ཇི་བཞིན་པ་ཡི་དེ་ཁོ་ན།། ཉིད་དུ་ངེས་པའི་ངོ་བོ་ལ།། རིག་དང་མ་རིག་རྣམ་པ་ཡིས།། ཀུན་ཤེས་སྤྱོད་དང་ཀུན་དུ་རྨོངས།། རྣམ་པ་གཉིས་སུ་སྣང་བ་ལ།། ཐ་དད་དུ་མ
247a5 མང་པོར་འགྱུར།། རྨོངས་པ་རྣམ་པ་གཉིས་སྣང་བ།། མི་ཤེས་པ་དང་ལོག་པར་ཤེས།། མི་ཤེས་རྒྱལ་བ་རྒྱང་ཕན་གཉིས།། ལོག་རྟོག་མུར་ཐུགས་མུ་སྟེགས་པ།། དེ་ཡང་ཞེན་ཆགས་ལོག་སྲེད་ཅན།། འཇིག་རྟེན
247a6 འཇིག་རྟེན་པ་ཞེས་བྱ།། མུ་སྟེགས་ལོག་དང་གཞན་རྐྱེན་ལོག། ཞར་ལས་འབྱུང་བ་ཞེས་ཀྱང་བཤད།། མི་ཤེས་འདི་གཉིས་གཞིར་སྣང་བ།། དམན་རིགས་དང་ནི་རིགས་མ་ངེས།། རིགས་ཆད་འདུ་ཤེས་ཅན་འདུ་དག།
iiif viewer powered by OpenSeadragon
