| e-texts navigator |
| Wylie |
246b1 མ་མེད་པའི་ལྷག་སེམས་བརྒྱད།། དམ་པ་དེ་ལ་རྫོགས་པར་དབུལ།། དམ་པས་བསྒོ་བ་བསླབ་པའི་མཐའ།། ཆུབ་པར་རྫོགས་པས་རྒྱུད་དགྲོལ་ཏེ།། ཤེས་བྱ་ཀུན་ལ་ཐོགས་མེད་འགྲོ།། རང་རྒྱུད་མདུད་པ་བགྲོལ་བ
246b2 ཡི།། ཤེས་རབ་མཁའ་ལ་བྱ་བཞིན་རྒྱུ།། མཐར་ཆི་བ་རྒྱུད་དགྲོལ་ཡུལ་སྤངས་ཏེ།། རྒྱལ་སྲིད་དང་ནི་རང་གི་ལུས།། བུ་དང་ཆུང་མ་ནོར་གྱི་དབྱིག། རབ་ཏུ་གཅེས་དང་ཡིད་འཐད་པའི།། ནོར་མཆོག་དམ་པ་དེ་ལ
246b3 དབུལ།། རང་གི་ལུས་ཀྱང་ཅི་རིགས་པར།། རིན་ཐང་གང་ཡིན་ནོར་གྱིས་བསླུ།། དེ་ནས་ཇི་བཞིན་གར་བདེ་བར།། རྣལ་འབྱོར་ཡང་དག་འཇོག་ལ་ཞུགས།། སྔོན་གྱི་དམ་པ་དམ་པ་རྣམས།། བདེ་བར་གཤེགས་པའི
246b4 རྗེས་སུ་འགྲོ།། སྔོན་གྱི་དམ་པ་བདེར་གཤེགས་རྣམས།། དེད་དཔོན་དམ་པ་མཉེས་བྱས་ནས།། ཀུན་སྤངས་དགོན་པའི་མཐར་གཤེགས་པས།། ཉིད་ལས་དམ་པ་མཉེས་པར་འགྱུར།། དེས་ན་དེད་དཔོན་དམ་པ་དང་།།
246b5 ནམ་དུའང་འབྲལ་བ་མ་ཡིན་ཏེ།། ཇི་ལྟར་ལུས་དང་གྲིབ་མ་བཞིན།། བློ་གྲོས་དྲིས་ན་དམ་པར་འགྱུར།། ཇི་ལྟར་ཅང་ཤེས་ཀྱི་ལིང་དག། སྡོམ་བྱེད་སྒྲོག་གིས་བཅིངས་འགྱུར་བ།། བཀྲོལ་བྱས་བདེ་བླག་བྱུང་འགྱུར་ན།།
246b6 ཅི་ལའང་ཐོགས་མེད་འགྲོ་བ་ལྟར།། སེམས་ཀྱི་ཅང་ཤེས་དབང་པོ་འདི།། མི་ཤེས་བཅིང་བས་བཅིངས་འགྱུར་བ།། དམ་པས་རྣམ་གྲོལ་སྒོ་ཕྱེ་བས།། ཤེས་རྒྱུད་ཀུན་འགྲོ་ལ་ཐོགས་མེད་འགྲོ།། འདི་ནི་མི་ཤེས་རྒྱུད
iiif viewer powered by OpenSeadragon
