| e-texts navigator |
| Wylie |
246a1 དང་མཚོན་ཐོགས་སྤང་བར་བྱ།། བློ་གྲོས་གུས་པ་དེ་ཉིད་ཀྱང་།། ཉིད་ཀྱིས་ཉིད་ལ་དཔྱས་བཅུག་སྟེ།། གཞན་གྱི་དབྱེ་བའི་གཞི་རྣམས་སྤངས།། ཀུན་དུ་མཐུན་པར་བཟང་བརྗོད་པའི།། སྐྱེས་བུ་གང
246a2 ཡིན་དེ་ལྟར་བྱ།། ཀུན་གྱིས་མཐུན་པར་མ་བསྔགས་པའི།། ཐ་ཤེལ་གང་ཡིན་དེ་སྤྱོད་སྤང་།། དཀྱིལ་འཁོར་ལ་སོགས་སྦྱིན་སྲེག་དང་།། སློབ་མ་གཟུང་དང་ཆོས་སྨྲ་བ།། ལུང་མ་བྱུང་བར་མི་བརྩམ་སྟེ། དམ་པའི་ཡུལ
246a3 ནས་དེ་མི་རིགས།། གལ་ཏེ་གཞན་གྱི་དོན་བྱས་ན།། དེ་ཡི་ཡོ་བྱད་མི་སྤྱད་ཏེ།། དེ་ཀུན་དམ་པ་དེ་ལ་དབུལ།། དམ་པས་ཅི་བླངས་ལྷག་མ་བླང་།། དམ་པའི་སློབ་མ་སློབ་མར་ཡང་།། དམ་པའི་མདུན་དུ་མི་རིགས་སོ།།
246a4 བཀུརི་བསྟི་སྲི་ཞུ་ལ་སོགས་མིན།། གང་ཡིན་དམ་པ་དེ་ཉིད་མངའ།། སྙིང་རྗེས་དམ་པས་ཅི་གནང་བ།། སྲི་ཞུ་མདུན་བསུ་ལམ་གཉིས་ཀྱིས།། བློ་དང་ལྡན་པས་བླང་བར་བྱ།། རྨུགས་མེད་དྲན་གསལ་རབ་བསྒྲིབས
246a5 ནས།། རང་གི་སྤྱོད་ལམ་འདའ་མི་བྱ།། བློ་གྲོས་ལྡན་པའི་ཉི་མ་དེས།། དམ་པ་ལྟ་ལྟར་མཆོད་བྱའི་ཕྱིར།། མཉེས་པར་བྱ་བའི་ཡོ་བྱད་བརྒྱད།། དམ་པ་དེ་ལ་རྫོགས་པར་དབུལ།། སྒོ་དུབ་མེད་པའི་དད་པ་དང་།། གྱོང
246a6 ཁེངས་མེད་པའི་མཉེན་ལྕུག་དང་།། སེར་སྣ་མེད་པའི་ཟང་ཟིང་དང་།། སོམ་ཉི་མེད་པའི་སྲི་ཞུ་དང་།། གཡོ་སྒྱུ་མེད་པའི་དྲང་དཀན་དང་། ཁ་གསག་མེད་པའི་རང་རྒྱུད་དང་།། རྨོངས་པ་མེད་པའི་ཤེས་རབ་དང་།། དྲི
iiif viewer powered by OpenSeadragon
