| e-texts navigator |
| Wylie |
245b1 ཁམས་ལས་བྱུང་བའི་ལུས་སྤྱོད་རྣམས།། བསྒྲིབས་སམ་ཕང་གམ་བསྐྱོར་བཀབ་ནས།། ཐམས་ཅད་བདེ་བསྒྲུང་འཇམ་བྱས་ཏེ།། དམ་པ་དེ་ལ་ཅི་མཛེས་བྱ།། དམ་པ་གདན་བསྐྱོད་གང་ཕྱོགས་ནས།། བདག་ནས
245b2 བསྒྲིམས་ཏེ་སྲི་ཞུ་བྱ།། བསྐྱོད་བཅག་བརྫི་སད་གདན་ཐབས་སྦྱར།། མ་ལྡན་ཉིད་ལས་ཅི་བདེར་སྦྱར།། སྔོན་རྩོལ་ལུང་འབྱུང་སྲི་ཞུ་བསྡུ།། དེ་རྫོགས་ནས་ཀྱང་དེ་བཞིན་ནོ།། བློ་ལྡན་སྤྱོད་ལམ་བཞི་སྤྱོད་ན།། སྲི་ཞུ
245b3 གུས་པས་དེ་བཞིན་སྦྱར།། གང་མ་གུས་དང་བཏང་སྙོམས་དག། ནམ་ཡང་བྱ་བ་ཡོང་མ་ཡིན།། སྲི་ཞི་བསྟི་གནས་རིམ་གྲོ་རྣམས།། བྱ་བའི་མདུན་དང་དེ་ཟན་དུ།། སྲི་ཞུ་བཅུག་སྟེ་ཅི་བདེར་འགྲོ།། བདེ་ཤེས་ལ
245b4 སོགས་སྲི་ཞུས་ཞུས།། ཡང་དག་དཀའ་ཐུབ་མདུན་ཉིད་དུ།། གར་སྤྱོད་གར་སྐབས་སྲི་ཞུ་དབུལ།། མཚན་ནས་ནམ་ཡང་མི་བརྗོད་ཅིང་།། དམ་པ་བླ་མ་བཤེས་གཉེན་ཞེས།། བརྗོད་པའི་ཐ་མར་ཞུས་སྒྲ་གཞུག། ཁྱད
245b5 པར་ཅིར་ཡང་དབྱེ་བར་བྱ།། ལུང་བྱུང་བཀའ་བཞིན་ཞུས་ཞེས་བརྗོད།། ཐལ་སྦྱར་གསུང་པ་གཟུང་བར་བྱ།། དམ་པའི་ལུང་ཡུལ་བྱུང་རྗེས་འབྲང་།། དེ་ཀུན་སྲི་ཞུས་མཚོན་པ་ཡིན།། མཛེས་པའི་ཚུལ་བཟུང་གུས
245b6 འདུན་ནས།། སྤོབས་པ་ནོད་པ་གསུམ་དུ་ཞུ།། གྱོང་ཁེངས་མེད་པའི་གཉེན་ལྕུག་གིས།། ཞབས་འབྲིང་དགོངས་པ་ཐམས་ཅད་བྱ།། དགེ་སློང་སར་པའི་སྤྱོད་པ་ཡིས།། བསྒེགས་པ་ལ་སོགས་བྱ་བྱེད་འབྲང་།། རྒྱན
iiif viewer powered by OpenSeadragon
