| e-texts navigator |
| Wylie |
245a1 བ་མིན།། དམ་པའི་ལུང་བྱུང་མིང་གིས་བསྒྲུབ།། མིང་ལྕོགས་མ་ཡིན་མ་ལྕོགས་ནམ།། སྒྲ་སོགས་མེད་པ་གནས་དོར་རོ།། དམ་པའི་དཀོར་རྣམས་སྲོག་བཞིན་བསྲུང་།། དེ་ཡི་ཉེ་གནས་དམ་པ་བཞིན།།
245a2 དེ་ཡི་འཁོར་གཡོག་ཉེ་དུ་བཞིན།། རྟག་ཏུ་མཉམ་པའི་སེམས་ཀྱིས་བལྟ། ཁྲི་མལ་སྟན་བདེ་བླ་མའི་ཟབས།། མི་གུས་ལ་སོགས་མི་ཚུལ་རྣམས།། དམ་པའི་ཟད་དུ་ཡོང་མི་མཛེས།། བྱས་ན་སྲི་ཞུ་དམ་ཚིགས་ཉམས།།
245a3 མགོ་ལ་ཟེར་ལྡིར་གདུགས་ཐོགས་དང་། ལག་རྟེན་ལུས་བརྟེན་དེ་བཞིན་སྟོང་།། གང་འདིར་མ་རབ་ཐོར་བུའི་ཐབས།། སྣང་བའི་ཡུལ་ནས་བྱ་མ་ཡིན།། དམངས་རིགས་གདོལ་པ་གཡུང་མོའི་ཚུལ།། དམ་པའི
245a4 གཟིགས་ཡུལ་ནམས་ཀྱང་མིན།། ཁུ་ལྡོ་སྨྱོན་པ་ཀུན་ཏུ་རྒྱུའི། སྤྱོད་པ་དམ་པའི་ཡུལ་དུ་མིན།། སྣང་བའི་ལུང་ལ་གང་འབྱུང་སྤྱོད།། ཇི་ལྟར་སྤྱོད་བྱུང་སྤྱོད་པ་བྱུང་།། འཇལ་དལ་ཐོས་འཕྲིགས་དོགས་བཞིན་སྤྱད།།
245a5 དམ་པའི་སྤྱོད་པའི་སྣང་ཡུལ་ནས།། བག་མེད་ཆེ་བའི་ཐབས་མི་བྱ།། བསྒྲུབས་ནས་མཛེས་པའི་ཚུལ་བཟུང་སྟེ།། བག་དང་ལྡན་པས་གནས་པར་བྱ།། ལུས་ཀྱི་དོར་བ་གང་དག་ཀུན།། མཐོང་ཚོར་ཡུལ་ནས་ཡོང་མི
245a6 བྱ།། སྣང་བ་ལུས་ཀྱི་བྱ་བྱེད་རྣམས།། བློ་གྲོས་ལྡན་པས་བྱ་བ་མིན།། འདུས་ནས་འདུ་གང་བྱེད་སྤྱོད་རྣམས།། དམ་པའི་འདུན་སར་རིགས་མ་ཡིན།། འཕྱོ་གཡེང་བརྐམ་དང་མ་ཞི་བའི།། སྤྱོད་ཚུལ་ཡུལ་ནས་མི་བྱའོ།།
iiif viewer powered by OpenSeadragon
