| e-texts navigator |
| Wylie |
244b1 གོ་རྣམས་དབྱེ།། དམ་པའི་ནང་ན་བདེར་འདུག་ཚེ།། ཀུན་གྱི་ཚིག་ལམ་ལ་མི་འབྱུང་།། གང་དག་བཟང་དང་ངན་སྤྱོད་ལ།། འཐིང་སླད་སྨོད་པ་ཡང་མི་བྱ།། བདག་ལ་བཟང་དང་ངན་བརྗོད་ཅིང་།། ཀུན་མཐོང་ཀུན
244b2 བརྗོད་སྒྲོ་སྐུར་དང་།། གང་དག་ཚིག་ལམ་འདྲེན་འདོད་མ།། ཚིག་ལམ་བཅད་ན་བདེ་བ་ཐོབ།། དམ་པའི་ཡུལ་ན་གནས་རྣམས་སུ།། ཁོང་ཁྲོ་ཚིག་རྩུབ་ཁྱལ་མི་སྨྲ།། བག་ཡངས་ཚུལ་གྱིས་བྱ་བ་མིན།། ཚུལ་མེད་ཚུལ
244b3 དང་མི་ལྡན་པའོ།། ཉམ་ང་མེད་པར་སྨྲ་མི་བྱ།། ཕོད་དང་ལྕགས་དང་གང་མཐོང་དང་།། སྟོང་འབྱོར་རྔོམ་ལ་སོགས་མི་བྱ།། གཞན་ལ་ཁྱད་གྱིས་གསད་པའི་ཚིག། གང་རིས་གཅད་པར་མི་བྱའོ།། དམ་པའི་གནས་སུ
244b4 གྱུར་པ་ལ།། རྗེས་སུ་རིགས་དང་འཆར་པའི་ཡོན།། ནོར་གྱི་དབྱིག་དང་ན་བཟའི་མཆོག། རྩི་མཆོག་ཟས་ལ་སོགས་པ་རྣམས།། དབུལ་དང་གསོལ་བས་མཉེས་པར་བྱ།། དེས་ནི་ནད་དང་དབུལ་ལ་སོགས།། བཀྲེས
244b5 དང་ཚ་བའི་སྡུག་བསྔལ་གྱིས།། ནམས་ཀྱང་འདེབས་པར་མི་འགྱུར་རོ།། ཞུ་བ་དབུལ་བ་ནད་པ་དང་།། ལུང་བྱང་འདུན་པར་འདུག་པ་དང་།། དམ་པའི་སྤྱོད་པ་མ་རྟོགས་པ། དམ་པ་དག་དང་གནས་གཅིག་ཏུ།།
244b6 ཞབས་འབྲིང་མ་རྟོགས་ནམས་ཀྱང་མིན།། འདི་ལྟར་མ་བྱས་ཉེས་བྱས་སོ།། སྐུ་ཡི་གྲིབ་མ་མི་འགོམ་ཞིང་།། ཞབས་རྗེས་བརླམ་པར་མི་བྱའོ།། ན་བཟའ་ཆགས་གདན་རྟེན་ལ་སོགས།། ནམས་ཀྱང་འགོམས་པར་བྱ
iiif viewer powered by OpenSeadragon
