| e-texts navigator |
| Wylie |
243b1 འགྲུས་ཆེ།། ཤེས་བྱའི་ཡུལ་ནི་ཐམས་ཅད་ལ།། ཇི་ལྟར་འདོད་པ་བཞིན་དུ་འབྱུང་།། སྲིད་པ་ཞུས་ཀྱང་ཟད་མི་ཤེས།། བརྟགས་ཤིང་ཡོན་ཏན་ཕྱི་ཕྱིར་འབྱུང་།། བདེན་པར་སྨྲ་ཞིང་ཚིག་མི་འགྱུར།། ཇི་སྐད་སྨྲས་པ་དེ
243b2 བཞིན་བྱེད།། ལེགས་དང་ཉེས་པའི་ལས་རྣམས་ལ།། དགའ་དང་མི་དགའ་རྟོག་འཛིན་མེད།། རི་དྭགས་རྒྱལ་པོ་སེང་གེ་ལྟར།། གཟི་ལྡན་བརྗིད་ཆེ་ཡུལ་མི་འཇུག། འདི་འཛི་དམན་པའི་ལས་རྣམས་སྤངས།། འཕྱོ
243b3 དག་གཡེང་བྲལ་གང་ན་རྟག། སེང་གེ་ལྟ་བུར་གཅིག་པུར་གནས།། དགོན་པའི་རྒྱུ་དང་དབེན་ལམ་བསྟེན།། འདི་དང་གང་ལྡན་དམ་པའི་འོས།། དམ་པ་ཐམས་ཅད་བཀུས་གནས་སོ།། རང་བཞིན་དེ་དང་མི་ལྡན
243b4 ཡང་།། དམ་པའི་མཛོད་དང་གཉེར་ལྡན་ན།། དམ་པ་གཟུང་ཞིང་དམ་པར་བྱ།། ཆོས་ཀུན་མི་ཤེས་མ་རྟོགས་ཀྱང་།། དམ་པར་གྱུར་པའི་བླ་མ་ལ།། བཀུར་གནས་རིམ་གྲོ་ཆེར་བྱས་པས།། འཁོར་བའི་རྒྱ་མཚོ་ལས
243b5 རྒལ་འགྱུར།། ཅི་ཕྱིར་ཞིང་རབ་གཤིན་པ་ལ།། ས་བོན་བཏབ་ན་རྒྱས་འཕེལ་བཞིན།། བསོད་ནམས་དམ་པའི་ཞིང་རབ་ལ།། ཏིལ་འབྲུ་མི་སྟོར་འཕེལ་མི་འགྱུར།། འཁོར་བའི་མཐའ་ལས་སྐྱོབ་པ་ཡི།། བཤེས་གཉེན
243b6 དམ་པ་བཞི་ཡོད་དེ།། ཁུངས་དང་ལུང་དང་དབང་འགྱུར་དང་།། བློ་གྲོས་ངེས་པའི་ཚད་ལྡན་བཞི།། དེ་ལས་གཉེན་པོ་བཞི་འགྱུར་སྟེ།། སེམས་བསྐྱེད་སྟོབས་དང་འགྱོད་སྟོབས་དང་།། ལས་ཀྱི་སྟོབས་དང་དམིགས
iiif viewer powered by OpenSeadragon
