| e-texts navigator |
| Wylie |
243a1 དཔའ་ལྷ་དང་མི་དག་དང་།། དེ་བཞིན་ཀླུ་དང་གནོད་སྦྱིན་དང་།། སྲིན་པོ་ལོག་ལྟ་ཅན་དག་གིས།། རིག་པ་འཛིན་པ་ཀུན་འདུས་ནས།། སྤྲུལ་པའི་མེ་ཏོག་ཀུན་འཐོར་ཞིང་།། བླ་མ་བཤེས་གཉེན་དམ
243a2 པ་ཁྱོད།། བདག་ཅག་རྣམས་ཀྱི་ཕ་ལགས་སོ།། བླ་མ་བཤེས་གཉེན་དམ་པ་ཁྱོད།། བདག་ཅག་རྣམས་ཀྱི་མ་ལགས་སོ།། བླ་མ་བཤེས་གཉེན་དམ་པ་ཁྱོད།། བདག་ཅག་རྣམས་ཀྱི་མགོན་ལགས་སོ།། མི་ཤེས་རྨོངས
243a3 པའི་བློ་གྲོས་མཁན།། ལམ་སྟོར་རྣམས་ཀྱི་ས་མཁན་ལགས།། མུན་ཁུང་འཁྱམས་པའི་སྒྲོན་མ་ལགས།། གདུང་བ་སེལ་བའི་རིན་པོ་ཆེ།། ཉི་མའི་ཞལ་ལ་ཕྱག་འཚལ་འདུད།། ནམ་མཁའི་ཐུགས་ལ་ཕྱག་འཚལ
243a4 འདུད།། ཟླ་བའི་སྐུ་ལ་ཕྱག་འཚལ་འདུད།། པདྨའི་ཞབས་ལ་ཕྱག་འཚལ་འདུད།། འདིར་ལྟར་དགའ་དང་གུས་པ་ཡིས།། སྔགས་དང་འདུན་པས་ཕྱག་མཛད་དོ།། དེའི་ཕྱིར་རྒྱལ་བ་ཐམས་ཅད་དང་། སེམས་དཔའ
243a5 རིག་པ་འཛིན་པ་རྣམས།། དམ་པའི་དམ་པ་ལས་བྱུང་བས།། དཔེར་ན་མ་ཡིས་བུ་བསྐྱེད་ལྟར།། དེ་བཞིན་དམ་པ་ཤེས་པར་གྱིས།། དམ་པ་དེ་ཡི་རང་བཞིན་ཡང་།། ཡིད་བརྟེན་སེམས་དང་དུལ་བ་དང་།། ཚད
243a6 མེད་ཡངས་པའི་བློ་གྲོས་དང་།། རྐྱེན་ཐུབ་བཟོད་ལྡན་ཀུན་ཏུ་དྲང་།། གསོང་པོར་སྤྱོད་ལ་གྱ་གྱུ་མེད།། སེམས་ཅན་ཉེན་ཅན་ཐམས་ཅད་ལ།། ཐབས་ཀྱིས་མི་འཇིགས་སྣ་ཚོགས་སྦྱིན།། དཔའ་བོ་མཐུར་ལྡན་བརྩོན
iiif viewer powered by OpenSeadragon
