| e-texts navigator |
| Wylie |
241b1 ལྷའི་གང་ཟག་དམན་པ་དེ།། དམ་པར་གཟུག་པར་གྱུར་ཕན་ཆད།། དམ་པར་ངེས་དང་མ་ངེས་ཀྱང་།། བཀའ་བཅས་ལུགས་པོར་ག་ལ་སྲིད།། གལ་ཏེ་དེ་ཡི་རྒྱ་ཉམས་ན།། དམྱལ་བ་རྡོ་རྗེར་དེ་འགྲོ་སྟེ།། མི་བཟད
241b2 སྡུག་བསྔལ་མྱོང་བར་འགྱུར།། དམྱལ་བསྲུང་ཁྱི་ནི་ལུ་དེ་ཞེས།། གྲགས་པ་སེང་གེ་གཟུགས་འདྲ་བ།། མཆེ་བ་གཟངས་རིངས་དཔལ་རྣོ་བས།། རྦད་ཅིང་མཚོན་ཆའི་ལམ་བུ་བདས། སྤུ་གྲི་རྣོ་དཔལ་རལ་གྲི་ནགས།།
241b3 ནང་དུ་ག་ཆད་རྨུགས་སྐྱབས་མེད། ཁྲོ་ཆུ་ཁོལ་མ་ཐལ་སྐྱོ་ཡི།། ཆུ་བོར་རབ་མེད་ནང་དུ་འབྱིང་།། རྩེ་གསུམ་མདུང་དང་མདའ་བོ་ཆེ། ཁབ་འདྲ་དཔལ་རྣོ་གཟངས་རིངས་དང་།། ཆུ་གྲི་རལ་གྲི་རྣོས་གང་པའི།། མུན
241b4 དོང་མེ་འབར་ནང་དུ་ལྟུང་།། སྡུག་བསྔལ་རྒྱུད་པ་དེ་དག་ལས།། ཐར་པའི་སྐབས་ནི་མི་སྲིད་དོ།། སློབ་མར་གྱུར་ན་སེམས་ལྡན་པས།། དམ་པ་དེ་ལ་ཉེས་བྱེད་གང་།། སངས་རྒྱས་ཀུན་ལ་ཉེས་བྱས་པས།། དེ་དག
241b5 རྟག་ཏུ་སྤྱིའུ་ཚུགས་འགྲོ།། དམ་པ་ཀུན་དང་མཉམ་སྦྱོར་བའི།། དམ་པ་ཉིད་ལས་གང་འདས་པ།། རྣལ་འབྱོར་དམ་པ་དབང་གྱུར་པ།། ཐམས་ཅད་འཁྲུགས་ནས་ཁྲག་ཆེན་འཐུང་།། དམ་པའི་ཡི་གེ་འབྲུ་བཀོད་པ།།
241b6 དབུགས་ཆེན་ནང་དུ་ཤར་ནས་ཀྱང་།། ལྕགས་ཀྱི་སྡིག་པ་མགོ་དགུ་པ།། རག་ཤ་ཡག་ཤར་གྱུར་པ་དེས།། བསད་ནས་དམྱལ་བ་ཆེན་པོར་བརྒྱུད། རྣམ་པར་འཚེ་དང་ནོར་འཕྲོག་དང་།། བགེགས་དང་དུག་པའི་དུག
iiif viewer powered by OpenSeadragon
