| e-texts navigator |
| Wylie |
240a1 ལེའུ་ཞེས་བྱ་སྟེ་དྲུག་ཅུ་དྲུག་པའོ།། །། དེ་ནས་ཡང་གསང་བ་པའི་བདག་པོས་སྨྲས་པ། ཀྱེ་གྲོགས་པོ་དམ་པ་དག་རྒྱུད་ཡོངས་སུ་གྲོལ་བ་ནི་དམ་པ་ལ་རག་ལས་པ་སྟེ། དེ་ཡང་གང་ཞེ་ན། འདི་ལྟ
240a2 སྟེ། བླ་མེད་སྙིང་པོ་སྨིན་པའི་རྐྱེན།། བློ་གྲོས་ཆེན་པོ་དྲི་བའི་ཡུལ།། ལམ་སྟོར་ས་མཁན་བཤེས་གཉེན་མགོན།། མུན་སེལ་སྒྲོན་མའི་རིན་པོ་ཆེ།། མཐོང་མིག་དབང་པོ་ཡིད་རྣམ་ཤེས།། ཆུ་བོ་རབ་མེད་སྒྲོལ་བའི་གྲུ།།
240a3 འཇིགས་པའི་རྫོང་ཆེན་རྟེན་པའི་མཁར།། འཁོར་བའི་གཅོང་འབྱིན་སྨན་པའི་མཆོག། མཚོ་གླིང་རིན་ཆེན་ལེན་བྱེད་པའི།། དེད་དཔོན་དམ་པའི་བླ་མ་དེ།། སྔོན་དུ་ངེས་པར་ཤེས་པར་བྱ།། སྡེ་མཛོད་གཏེར་ཁྱིམ་ཁང
240a4 ཆེན་དང་།། རྣམ་འགྲེལ་ལྡེ་མིག་བཅུ་གཉིས་དང་། ངེས་མདོ་དམ་པ་དེ་ཉིད་བཅུ།། མཐའ་བཅུ་ཡན་ལག་མདོ་རྩ་བ།། གང་འདིར་སྐབས་བཅུ་རྫོགས་ལྡན་ནམ།། སྐྱོན་གྱི་མཐའ་རྣམས་ཟད་འགྱུར་ཞིང་།། ཡོན་ཏན་རྒྱ
240a5 མཚོའི་ཕ་རོལ་ཕྱིན།། དམ་པའི་ཚད་ལ་བབ་མ་བབ།། དེ་ལ་བཤེས་གཉེན་མགོན་བལྟས་ན།། མཐར་ཆུབ་ཡོངས་སུ་རྫོགས་ཞེ་འམ།། གང་རིག་དེ་ཡུལ་མ་ཡིན་པར།། ཐབས་དང་ཡན་ལག་བཅས་པ་ཡིས།། གཞན
240a6 གྱི་ཡུལ་ནས་བརྟག་པར་བྱ།། བརྟགས་པས་བསྔོ་བ་ཀུན་ལྡན་ན།། གཞན་གྱི་ཡུལ་ལ་འགྲོ་མི་བྱ།། དམ་པའི་ཡོ་བྱད་ལྔ་རྫོགས་ན།། དམན་པའི་ཡོ་བྱད་མེད་ལ་མིན།། ངེས་པར་ཀུན་ཏུ་བཟང་ཉིད་ན།། གང་གི་བལྟ
iiif viewer powered by OpenSeadragon
