| e-texts navigator |
| Wylie |
239b1 གནས་ན་སྤྱོད་བཞིན་དུ།། གཉེན་པོ་མཆོག་ཏུ་དེ་འགྱུར་ཏེ།། དེ་ནི་སྐོང་བ་དམ་པའོ།། ཏིང་ངེ་འཛིན་གྱི་ཐབས་ཆེན་ཡང་།། འཇིག་རྟེན་སྲེག་ལ་མེ་དགོས་ཀྱང་།། བག་ཆགས་སྲེག་ལ་མེ་མི་དགོས།། རིག་པའི་ཡེ་ཤེས
239b2 མེ་བྱུང་བས།། སྒྲིབ་པའི་བུད་ཤིང་ཐམས་ཅད་བསྲེགས།། འཇིག་རྟེན་གཏོར་ལ་རླུང་དགོས་ཀྱང་།། མཚན་མ་འབུད་ལ་རླུང་མི་དགོས།། རིག་པའི་ཡེ་ཤེས་རླུང་བྱུང་བས།། མཚན་མའི་རྡུལ་ཀུན་རྣམས་པར་འཕྱག།
239b3 ལུས་བཀྲུ་བ་ལ་ཆུ་དགོས་ཀྱང་།། སེམས་བཀྲུ་བ་ལ་ཆུ་མི་དགོས།། རིག་པའི་ཡེ་ཤེས་ཆུ་བྱུང་བས།། བག་ཆགས་ལྡན་ལྗིན་ཐམས་ཅད་དག། སྟོང་ཉིད་ཆུ་བོ་ཁྲུས་ཀྱི་རྫིང་།། དེ་བཞིན་ཉིད་ཀྱི་ནམ་མཁའ་ནས།།
239b4 འཕར་འཕྲོ་མེ་ཡི་བསྐལ་པར་ཚིག། དེ་ནི་སྐམས་པ་དམ་པའི་མཆོག། དེ་ཉིད་དེ་ཡི་ཐབས་མཆོག་ཀྱང་།། རྣལ་འབྱོར་དམ་པ་གང་ཞིག་དག། ཉམས་པའི་ཆད་པ་བྱུང་བ་ལ།། དེ་བཞིན་དེ་ཉིད་མ་གཡོས་ཀྱང་།།
239b5 མགོན་སྐྱབས་དེ་ལས་གཞན་མེད་དེ། ཉམས་དང་མ་ཉམས་ཐ་སྙད་མེད།། བཀང་ངམ་མི་བཀང་ཚིག་ལམ་བྲལ། ལང་ཀའི་བདག་པོ་དེ་དག་ནི་གཞི་ཡོངས་སུ་གཟུང་བ་རྣམ་པར་བགྲོས་པར་ཤེས་པར་བྱའོ།། དེ་སྐད
239b6 ཅེས་སྨྲས་པས་ལང་ཀའི་བདག་པོ་ལ་སོགས་དམན་པ་རྣམས་དམ་པ་རྣམས་ཀྱི་ནོར་ལ་ཡོངས་སུ་སྤྱོད་པར་གྱུར་ཏོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་དམ་ཚིག་གསང་བའི་མཆོག་གི
iiif viewer powered by OpenSeadragon
