| e-texts navigator |
| Wylie |
239a1 འདུས་པས།། འབྲས་དྲུག་སྨིན་པར་གྱུར་པ་ཡིས།། གང་དག་འཚོ་བའི་སྲོག་འཛིན་ལྟར།། ཆོས་རྣམས་ཀུན་གྱི་གཞིར་གྱུར་པས།། དམ་ཚིག་འདི་ལ་གནས་པ་ནི།། བླ་མེད་བྱང་ཆུབ་རྣམ་སྨིན་པས།།
239a2 དགེ་བའི་སྲོག་འཛིན་དམ་པའོ།། གལ་ཏེ་ཉམས་པར་གྱུར་པ་ན།། ཆད་པའི་སྐྱེ་གནས་དམྱལ་ཆེན་བརྒྱད།། མི་བཟད་སྡུག་བསྔལ་དྲག་པོ་ཡིས།། འཁོར་ལོ་མཚོན་ཆ་བཞིན་དུ་འཁོར།། ལང་ཀའི་བདག་པོ་གང་འདི
239a3 ལས།། ཉམས་པར་གྱུར་པ་གང་ཞེ་ན།། ཀུན་ཏུ་ཉམས་པ་ཆེན་པོ་དང་།། རྩ་བ་ཉམས་དང་ཡན་ལག་ཉམས།། དེ་བཞིན་བཟླས་ཉམས་ཞར་ཉམས་ལྔ།། རྟག་པར་རྒྱུན་གྱི་ཁོར་མོར་འབྱུང་།། གང་དེ་བཀང་བར་བྱ།
239a4 བའི་ཐབས།། རྣམ་པར་ལྔ་ནི་བཤད་པར་བྱ།། ལས་དང་རྫས་དང་འདུད་པ་དང་། ཏིང་ངེ་འཛིན་དང་དེ་ཉིད་དོ།། ལས་ནི་རྣམ་ལྔས་སྐོང་འགྱུར་ཏེ།། དང་པོ་འབུམ་ཁྲི་གསུམ་པ་སྟེ།། རྩ་ཉམས་ཁྲི་ལྔ་སྟོང་གསུམ་མོ།།
239a5 ཡན་ལག་ཉམས་པར་གྱུར་པ་ལ།། སྟོང་ལྔ་བརྒྱ་གསུམ་ཐོན་པར་བྱ།། བཟླ་ཉམས་བརྒྱ་ལྔ་བཅུ་གསུམ་མོ།། ཞར་གྱིས་ཉམས་པར་གྱུར་པ་ལ།། བཅོ་ལྔ་གཅིག་གསམ་དག་གིས་སྐོངས།། རྫས་ནི་རིན་ཆེན་སྣ་ལྔ་ཡིས།།
239a6 རིགས་ཀྱི་དམ་ཚིག་གང་ཉམས་ལས།། བླ་མ་རིགས་ལྔ་གང་དག་ལ།། ཐ་ཚིག་གང་རློམ་ནོར་དེས་བསླུ།། འདུན་པ་དད་པ་དང་བ་ཡིས།། གདུང་བའི་ཤུགས་ཀྱི་ང་རོ་ཡིས།། རྟག་པར་རྨ་ག་ཆད་པ་ནི།། དམྱལ་ཆེན
iiif viewer powered by OpenSeadragon
